Sot filloi viti i ri shkollor edhe për nxënësit e shkollave të qytetit të Ulqinit. Kryetari i Komunës së Ulqinit Omer Bajraktari ka zgjedhur Shkollën fillore ”Bedri Elezaga” në Katërkollë për të uruar fillimin e vitit të ri shkollor për nxënësit e komunës sonë.
Më poshtë mund të lexoni të plotë postin e krytarit të Komunës së Ulqinit Omer Bajraktari.
Sot me rastin e ditës së parë për vitin shkollor 2023/2024 vizituam shkollën fillore “Bedri Elezaga”.
Të dashur nxënës të institucioneve edukativo-arsimore të Komunes së Ulqinit, mësimdhënës dhe prindër të nderuar,
Më lejoni që në emrin tim personal dhe në emër të Komunes së Ulqinit t’u shpreh urimet më të singerta për fillimin e vitit të ri shkollor, duke u dëshiruar suksese në mesime dhe punë.
Kjo është një ditë gëzimi për të gjithë, veçanërisht për vogëlushët që ulen për herë të parë në bankat e shkollës dhe fillojnë rrugëtimin e tyre të gjatë për arritjen e sukseseve të jashtzakonshme.
I urojmë një vit shkollor plot suksese në garën e dijes!
Urime!
