Cmimi letrar “TEUTA” ndahet nga Shoqata Rajonale e Shkrimtarëve “TEUTA” në kuadër të manifestimit të përvitshëm letrar ndërkufitar “Muzat e Alpeve”. Laureatë paraprak të këtij cmimi ishin shkrimtarët e mirënjohur shqiptar dhe malazez:Jevrem Berkoviq, Dritëro Agolli, Ramiz Kelmendi dhe Mirash Martinoviq. Përdersia sivjet, “Teuta” kalon tek njëri ndër personalitetet më të shquara të kulturës shqiptare, prof.dr.Moikom Zeqo.
Shoqata Rajonale e Shkrimtarëve „TEUTA“, e themeluar nga shkrimtarë nga Kosova, Mali i Zi dhe Shqipëria, në bashkëpunim me drejtorinë për arsim dhe kulturë në Istog, bibliotekën „Marin Barleti“në Shkodër si dhe Muzeun Etnografik të Malësisë-në Lekaj të Tuzit, me 4, 5 dhe 6 korrik organizon manifestimin e V-të letrar ndërkufitar „Muzat e Alpeve 2017“. Ndër aktivitetet e parapara brënda programit janë: Historiku i „TEUTËS“, biografi e shkurtër e laureatëve të Cmimit për Vepër Jetësore “Teuta” si dhe homazh për dy lauretatët e ndjerë Dritëro Agolli dhe Ramiz Kelmendi; kumtesa mbi temat: “Krijimtaria studimore e dr.Ibrahim Rugovës”, “Letërsia shqipe dhe roli I saj historik” dhe “Feminizmi, bota dhe kundërbota e tij” si dhe promovim i librave dygjuhësh: “Svi moji-Të gjithë të mitë”, me autor Zuvdija Hoxhiq (Berisha), “Këngët e përgjërimit-Zavjetne pjesme”, me autor Lulzim Tafaj si dhe “Ardhësit-Këngët e Ali Binakut”, përkthim dhe botim I ri nga Anton Nikë Berisha. Ne ditwn e tretw ne Tuz, pjeswmarrjen ka konfirmuar Jevrem Bwrkoviq, laureati i parw i “Teutws”, doajeni i letwrsisw malazeze, vwllam i Ali Podrimjes si dhe anwtar nderi i kwsaj shoqate.Pwrderisa, me 6 korrik nw Tuz, Cmimin për Vepër Jetësore “TEUTA” i ndahet njerit prej personaliteteve më të shquara të kulturës shqiptare, prof.dr.Moikom Zeqos I cili me veprën e tij ka krijuar një kozmologji të re poetike, duke thyer kufijtë e perceptimeve dhe përjetimeve të njeriut të sotëm nëpërmjet një zbulimi të papritur shumëdimensional me historinë dhe përjetësinë.
“Moikom Zeqo, autor I rreth 70-të veprave poetike të cilat fillojnë maratonwn e madhe të postmodernizmit shqiptar që në vitet 70-të të shekullit që lamë pas, marrin përsipër nëpërmjet plazmimeve të gjuhës shqipe, përgjegjësinw e dendësimeve, kundërthënieve dhe vazhdimësisë së një realiteti të ri poetik. Erudit I rrallë I historisë dhe traditës së qytetërimit shqiptar, akademiku Moikom Zeqo me veprën e tij iu takon pararendësve të brezit të lindur pas luftës së dyte botërore, duke shprehur me një kurorë të re mendimtari dhe njeriu të shqetësuar dykuptimësinë e njeriut të sotwm, pa pasur dro të na japë përgjigje të pafundme nëse është ky realitet I thellësive historike që ka krijuar njeriun, apo është njeriu I pa epur për ëndërrim që krijon realitetin e një bote të përbashkët dhe universale”, thuhet ndër të tjera në arsyetimin e “Teutës”.
Manifestimi “Muzat e Alpeve 2017”, I Shoqatës Rajonale e Shkrimtarëve “TEUTA” edhe sivjet organizohet në kuadër të „Ditëve të Diasporës“me moton „Edhe ti je pjesë e atdheut“ dhe mbështetet nga Ministria e Diasporës së Republikës së Kosovës, pasuar nga Ministria e Kulturës, Rinisë dhe Sporteve e Republikës së Kosovës si dhe komuna e Istogut. Ky manifestim lëvizës- i cili përbëhet nga disa prej shkrimtarëve më emiment ë trekufirit Kosovë-Mal i Zi-Shqipëri, deri më tani ka përshkuar: Pejën, Kotorrin, Rugovën, Rozhajën, Decanin, Plavë-Gucinë, Junikun e Bajram Currin dhe sivjet do të vazhdojë në Istog, në Shkodër si dhe do të përmbyllet në Tuz. Ndërsa, “Muzat e Alpeve” përkrah laureatëve paraprak te Cmimit për Vepër Jetësore “TEUTA: Jevrem Berkoviqit, Dritëro Agollit, Ramiz Kelmendit dhe Mirash Martinoviqit, sivjet radhisin edhe poetin, prozatorin, eseistin, publicistin dhe arkeologun, prof.dr. Moikom Zeqon, I cili me krijimtarinë e tij ka sjellur vlera të veçanta letrare dhe estetike në panteonin e kulturës, letërsisë dhe të mendimit kritik shqiptar ndwrsa vepra e tij në përgjithësi është shembulli më i mirë i sublimimit të ideve dhe koncepteve moderne dhe postmoderne në letërsinë shqipe.
Shoqata Rajonale e Shkrimtarëve:
“TEUTA”
