Lexueshmëria e librit në ndër shqiptarët në Mal të Zi por edhe në përgjithësi, nuk është në nivelin e kënaqshëm, ndonëse mund të jetë në një trend të ngritjes, thonë njohës të kësaj lëmie. Në tregun e literaturës, një ndikim të padiskutueshëm ka luajtur edhe interneti, nga i cili, libra të shumtë mund të shkarkohen dhe lexohen përmes ekranit.
Por, pa dyshim, një arsye tjetër siç është çmimi i pak lartë i librave, bën që qytetarët të mos kenë mundësi t’i blejnë ato dhe që rezulton me një largim të interesimit për librin.
Një paradoks i llojit të vet mund ta kemi vërejtur natën e parë të Panairit të librit në Ulqin, ku çmimet e librave jo që nuk janë ulur, që është nje praktikë e hershmeve e aktiviteteve të tilla, por nuk kanë as çmimin e deklaruar në libër.
Kështu, në disa stenda të librave (sigurisht jo të gjitha), çmimi i librit është më i lartë se ai i deklaruar në libër. Nëse për një libër në Tiranë e Shkodër do të duhej të ndani 1000 lekë shqiptare (7,14 €), në Panairin e librit në Ulqin për të njëjtin libër do të ju duhet të ndani 10 € (1400 lekë).
Sipas të njëjtës logjikë, ‘çmimi i korigjuar” i 300 lekëshit shqiptar është 3 €.
Pa dashur që të hymë në atë se sa janë shpenzimet e shtepive botuese, shitësve dhe stërshitësve të librit dhe sa për atë që të gjitha ato këtë e kanë mjet jetese në politika të tilla të çmimeve duhet të jenë të kujdeshëm.
Sigurishtë që kishte vende ku librin mbrëmë mund ta blini edhe me çmime me zbritje por që për hir të vertetes ishte vetëm një i tillë.
Libri zakonisht lexohet nga shtresa e mesme e shoqërisë, gjendja ekonomike e së cilës në të gjitha viset shqiptare nuk është edhe aq e mirë. Shtëpitë botuese dhe shitësit e librit duhet të bëjnë çmos që librin ta bëjnë sa më të qasshëm për lexuesin.
