Më 4 maj 2021 filloi vaksinimi masovik në qytetin tonë. Deri më sot (7 maj 2021) në ora 20:00 janë vaksionuar 1209 qytetarë, gjersa totali i qytetarëve të vaksionuar që nga fillimi i procesit të vaksionimit në Ulqin është 2789 persona, kështu tregon nëpërmes një shkrimi të saj drejtoresha e Shtepisë së shendetit në Ulqin, dr. Sadije Hollaj, transmeton Ulqini Online.
Me këtë rast drejtoresha Hollaj falenderon të gjithë qytetarët e komunës sonë për korrektësinë, bashkëpunimin dhe nivelin e lartë të vetëdijësimit e përgjegjësisë të dëshmuar gjatë kësaj periudhe sfiduese. Po ashtu, në veçanti ajo falenderoi personelin mjekësor për profesionalizimin e pashoq dhe punën e palodhshme.
Fjalë të mira për procesin e vaksinimit në Komunën e Ulqinit dhe personelin mjekësor që është në dispozicion qytetarëve ka edhe deputeti shqiptar në Parlamentin e Malit të Zi Genci Nimanbegu.
”Një staf i mrekulleshëm dhe i ri në Qendrën për vaksinim në Ulqin, që gjendet pranë Stacionit të Autobusave, mundëson që të kemi shpresë për rikthim në normalitet sa më parë”, shkruan Nimanbegu.
