Kryetari i Forcës së Re Demokratike Nazif Cungu ka uruar kryetarin e Partisë Socialiste të Shqipërisë Edi Ramëm për fitoren e madhe të cilen e ka arritur ky subjekt politik në zgjedhjet parlamentare të 25 qershorit në Shqipëri.
Më poshtë mund të lexoni të plotë urimin.
PARTIA SOCIALISTE E SHQIPËRISË
I nderuar zotëri Edi Rama,
Kam nderin dhe kënaqesine që në emër te Forcës së Re Demokratike-Ulqin dhe në emrin tim personal t’ju uroj fitoren e madhe të cilen e keni arritur në zgjedhjet parlamentare të 25 qershorit .
Votat e popullit shqiptar në këtë masë ndaj partisë Tuaj, tregojnë një lojalitet të mirëfilltë dhe punë të palodhshme për të ndryshuar vendin dhe për ta çuar atë sa më pranë Bashkimit Europian, aty ku synojnë të gjithë vendet e rajonit.
Ne shqiptarët në Mal të Zi kemi nevojë për mbështetje dhe bashkepunim me shtetin amë, kemi nevojë që bashkë në mënyrë strategjike të veprojmë për të mirën e popullit shqiptarë, dhe këtë partneritet do ta gjeni çdo herë tek subjekti ynë politik – Forca.
Ju uroj punë të mbarë dhe suksese ne qeverisje .
Me respekt,
Kryetar
Nazif Cungu
