‘’Ky model i politikaneve tashmë ka filluar të kthehet në sëmundje ngjitëse nga e cila rrezikohet e tërë shoqëria’’, kështu do të deklaronte kohë më pare deputeti i Forcës Genci Ninambegu ndër të tjerave për kryetarin e komunls por edhe të Partisë Demokratike Fatmir Gjekën.
‘’Asgjë nuk mund të më befasojë nga injorantët politikë, mashtruesit dhe dëmtuesit të Forces’’, kështu do ti drejtohej Fatmir Gjeka zyrtareve më të lartë të Forcës së Re Demokratike.
Këto janë vetëm disa nga akuzat dhe kundërakuzat që kemi mundur të ndëgjojmë tash disa muaj ndërmjet partnereve të koalicionit që udhëhqnin me komunën e Ulqinit, Forcës dhe Partisë Demokratike.
Çdo gjë në rregull deri këtu, nëse mund të thuhet kështu, pasi në një moment të caktuar edhe mund të vi deri te prishja e një koalicioni për arsye nga më të ndryshmet.
‘’Mendimet e kundërta, dëshirat e ndryeshme dhe interesat përplasëse shpien në mospajtime ndërmjet palëve politike konkuruese. Andaj, politika lidhet me konfliktin ku dëshirat e individëve janë të pafundme dhe si rrjedhojë burimet e mundshme (pavarësisht kostos) për ti përmbushur ato janë çdoherë të kufizuara’’, kështu mendon politologu Granit Hoxha rreth shpërthimit të mosmarrëveshjeve në mes të subjekteve politike.
Por moment politik i cili pritet që të ndodh në skenën politike në Ulqin nuk mund të hy më në sferën e së normales. Rifillimi i bisedimeve për rikompozimin e qeverisjes aktuale në Ulqin në të cilat bisedime do të marrin pjesë përsëri edhe Forca dhe PD dhe me shumë mundësi që përsëri do të jenë pjesë e koalicionit të ardhshëm atëherë fjalët për të treguar këtë situate nuk është e lehtë ti gjejmë. Në këtë rast vetëm një pyetje lind: po tani çka mund ti bëjë bashkë përsëri Forcën dhe PD-në?
Edhe ajo thënia ‘’kurrë mos thuaj kurrë’’ sikur nuk zë vend në këtë rast.
