Potezi më i fundit politik i Partisë Demokratike të Socalistëve (DPS) që të mbështesë Forcën për të pasur të parin e komunës së Ulqinit është shumë i (pa)kuptueshëm. Edhe pse kjo parti ka dalur publikisht se do të përkrahë krijimin e një shumicë gjithëpërfshirëse në Komunën e Ulqinit me të gjitha partitë politike shqiptare, marrëveshja paraprake me Forcën sikur i ka qitur në rend të dytë partite tjera shqiptare që priten të jenë pjesë e shumicës.
Cilat mund të jenë shkaqet që DPS-i solli këtë vendim?
– DPS-i përkrahu partinë politike më të forte shqiptare në Ulqin.
– DPS-i shpërbleu partinë e cila e përkrahu në qeverisjen qendrore duke treguar besnikëri.
– DPS-i paralajmëron Partinë Demokratike për sjelljen e përfaqësuesit të vet në Kuvendin e Malit të Zi (nuk përkrahi iniciativën e DPS-it për shkarkimin e kryetarit të Kuvendit të Malit të Zi Ranko Krivokapiq).
– Përkrahja në qeverisjen qendrore ka më vlerë se ato që kanë të bëjnë me ato lokale.
– DPS më shumë I konvenon që në kry të Ulqinit të ketë një shqiptar nga subjektet politike shqiptare të cilin me matematikën e numrave mund ta kontrollojë dh ta mbivotojë në çdo rast nëse ështe e nevojshme.
Të gjitha këto mumnd te jenë disa nga arsyet pse DPS i dha përparësi Forcës kundrejt subjekteve tjera politike shqiptare. Ky vendim i DPS-it ishte shumë i lehtë duke pasur parasysh mundësinë e zgjedhjes dhe të mosgabimit në cilindo rast.
Potezi politik më i fundit i DPS-it është edhe një hap drejt shkrirjes së partive nacionale shqiptare në atë të DPS-it sidomos në kohën kur alternativat brenda korpusit politik shqiptare nuk ekzistojnë fare.
