Kumtesë për opinion nga Kabineti i kryetarit të komunës së Ulqinit
Arsimi përherë do të jetë në vëmendjen e tonë….
Nisur, nga rëndësia që ka arsimi si hap drejtë së ardhmes dhe begatisë së gjeneratave të reja strukturat udhëheqëse komunale në programin e tyre dhe në axhendat, kësaj fushe i kanë kushtuar dhe i kushtojnë rëndësi të vecantë.
Tani , kur ka filluar viti i ri akademik i rikujtojmë të gjithë studentët, të rinjtë tanë , prindërit e tyre dhe opinion e gjërë që gjatë muajve të verës dhe në vazhdim janë realizuar një sërë takimesh me Ministra , dhe zyrtarë të lartë të Malit të Zi,Shqipërisë dhe Kosovës ku në fokus ka qenë arsimi-shkolla shqipe dhe problemet që e përcjellin atë.
Kryetari i Ulqinit, Fatmir Gjeka dhe bashkëpunëtorët po ashtu kanë ngritur shqetësimin për rregjistrimin e të rinjve tanë në Akademinë policore në Danillograd.
Krahas ministrit të Arsimit Boshkoviq takime janë realizuar edhe me Drejtoreshën e këtij institucioni Z. Milica Pajoviq .
U ftuan instruktorët e Akademisë në Ulqin të cilët punuan me nxënësit tanë.
Ministri Boshkoviq paralajmëroi se cdo gjë ka përfunduar e në rradhët e kësaj Akademie pas shumë vitesh do të ketë dhe të rinj shqiptarë. Ata mund të llogarisin edhe në bursën e Komunës.
Me këtë rast i shprehim mirënjohje të gjithë atyre të cilët na ndihmuan që të realizojmë këtë dëshirë të të rinjve tanë dhe llogarisim që vitin e ardheshëm interesimi do të jetë edhe më i madh.
Dhe në fund tani, kur studentët tanë kanë nisur rrugën e tyre të jetës univeritare u premtojmë se tek pushteti vendore në Ulqin dhe tek Kryetari Fatmir Gjeka përherë do të gjejnë mbështetje dhe vëmëndje parësore.
