Nga Ali Gjeçbritaj
ORA E MALEVE
Nuk e di ç’farë je grua apo gjarpër
të kanë venë mes gjinjëve të fryrë
nuset e reja dhe vajzat e virgjëra.
Të kanë vendosur në trarin
në ball të derës së shtëpisë
na solle fat, ndëshkove armiqtë
verbove syrin e keq.
Jeni të bardha, prore të lumtura
unë e them jeni të mira
të bukura pa ua theksuar emrin.
Mua më keni levizur gjakun në damarë
në shekuj sollët vetëm bekimin
nga bota mashtruese flakët mallkimin.
Shpresa në orët e maleve tona
nuk e fikë dot braktisja
as heshtja që flet, as ikja.
ZANA E MALIT
Ndihmon trimat i mbushë me burrëri,
ndihmon kreshnikët në betejë,
ndihmon poetët i mbushë me frymëzim,
ndihmon vajzat i praron më bukuri.
Mbrojtja e saj bri dhie të egra,
kryetrimi e vendosi në perkrenare.
Në majat e bjeshkës
qielli gati preket me dorë
nuk ikëm nga tradita
flasim më zë të lartë, këndojmë
u bëjm në dije mos na shitoni.
Jo, nuk jeni xheloze, na hijeshoni.
Nuk je si Artemida, as si Diana
asesi me ta s’të krahasoj
je si ilirikja Thana.
Ruaji o Zot në malet tona
të bukurat Zana.
VASALËT
Dikur vasalët kishin vetëm një qafë,
Të gjithë
Tirani i priste me një shpatë.
Më vonë diktatori me një plumb,
I vriste në kokë
Kundërshtarët i hidhte në lum.
Sulltani i vriste gratë në harëm
Se në majë të hundës
Nga gjlozitë u tremb.
Sot në shekullin e ri
Padroni modern
zi e më zi
ia kalon monizmit
me njëmendësi.
Sa shumë vasalë ka sot
Pak kush e di.
DY STINË
Patë e çka nuk patë në stinën e mbrapshtë
Fjalë të pista, pordhë, shurrë, fendë e mut
Rrena, dallavera, hajni e kurvni
Ngjarje të pista sa të duash
s’ti zë veshi e s’ti sheh syri.
Patë e çka nuk patë në stinën e mbarë
Simpati, dashuri,fejesa, martesa, dasma
Dashamirësi, miqësi, urtësi, bujari e begati
Buelleku i mbushi zemrat,
plotësoi zbraztinë e një sitme më parë
Stinë e mbrapshtë, qafën e këputësh
Stinë e mbarë, gjithmonë ardhësh e mbarë.
DIALOG
Më tha popullorçe:
Burri të bën zojë,
burri të bën tojë.
Popullorçe edhe përgjigjja:
Gruaja e keqe
e bën burrin teneqe.
Haj e merre vesh
kush ka sot të drejtë.
