Kryetari i Komunës së Ulqinit Z.Fatmir Gjeka dhe shefi i kabinetit Mr.Met Gjoni do të takohen nesër në Podgoricë me Ministren e shkencës Prof.dr.Sanja Vllahoviq e cila për momentin mbulon dhe digasterin e Ministrisë së arsimit. Takimi organizohet me kërkesë të Komunës së Ulqinit dhe temat ku do të fokusohen zyrtarët tanë janë ndërtimi i shkollës në Sukubinë , projekt ky shumë i përfolur për të cilin është punuar dokumentacioni i nevojshëm dhe që sipas paralajmërimeve , finansiarisht duhet të mbështetet nga Ministria e arsimit, Komuna e Ulqinit dhe dispora jonë. Përsa i përket komunës, ajo është e gatshme që, edhe përkundër vështirësive financiare të përmbushë premtimin e dhënë, të gatshëm për të kryer obligimin e tyre janë dhe bashkëvendasit tanë në disporë. Ky do të ishte projekti i parë i ndërtuar në këtë formë, fati i të cilit do të dihet nesër.
Po, ashtu do të preket cështja e ndërtimit të shkollës së ultë të muzikës institucionit i cili prej dy dekadash funksionon në kuadër të ndërtesës së Qendrës për kulturë.Edhe këtu sipas marëveshtjes së nënshkruar, Ministria e arsimit është dashtur prej vitesh të ofrojë forma të ndryshme ndihme, njofton kmuna e Ulqinit.
Temë e vecantë do të jetë ndërtimi i kopshtit në fushë të Ulqinit për të cilin ekziston dokumentacioni i nevoshëm. Këtu përfaqsuesit tanë do të insistojnë në mundësinë e ndonjë forme kompensimi, pasi Komuna do të ofrojë tokën për ndërtim . Ne takim do të preket dhe cështja e transportit të fëmijëve. Komuna jonë ka muaj që është duke e berë atë , por është thënë që do të participojë dhe Ministria e arsimit.
Cështja e arsimit shqip është cështje të cilës zyrtarët tanë i kushtojnë vëmëndje të vecantë jo vetëm në takimet me zyrtarët e Malit të Zi, por dhe me diplomatë të ndryshëm sepse vlerësojnë që në ketë fushë ka ende për tu bërë.
