Në zgjedhjet parlamentare të së dieles të mbajtura në Malin e Zi subjektet politke shqiptare pësuan debakël. Rezultat dëshpërues por edhe i pritshëm.
Kështu, nëse iu kthehmi shqifrave në nivel republikan situata sa i përket subjekteve politike shqiptare është si më poshtë.
| Koalicioni ”Shqiptarët e vendosur” (Forca, UDSH, ASh) | 4729 vota ose 1,27% |
| Koalicioni ”Me një qëllim” (PD, LD në MZ, IQ, Perspektiva) | 3467 vota ose 0,93% |
| Lidhja demokratike e shqioptarëve | 1440 vota ose 0,39% |
Nëse shikohen këto shifra rezulton se dy listat zgjedhore që nuk kanë fituar mandatin e deputetit kanë marrë gjithsej 4907 vota shqiptare që paraqet një mandat të pastër ose thënë më mirë 4907 vota shqptare nuk kanë përfunduar aty ku kanë dëshirur ato apo thënë edhe ndryshe ”janë djegur”.
Edhe përkundër situatës ekonomike shumë të keqe të shqiptarëve në Mal të Zi ku zonat shqiptare janë më të varfëra në nivel republikan, edhe përkundër emigrimit të vazhdueshëm të shqiptareve, edhe përkundër zhgënjimit të madh të shqiptarëve në subjektet e veta politike, edhe përkundër shumë përkundra tjera rezulton se populli shqiptar në Mal të Zi voton shqip.
