Subjektet politike shqiptare kanë marrë numrin më të vogël të votave deri tani nga fillimi i sistemi shumëpartiak në Mal të Zi.
Dalja më e vogël në zgjedhje në zonat me shumicë shqiptare, dalja në 3 lista zgjedhore, pakënaqësia dhe mllefi i qytetareve dhe shumë faktorë të tjerë kanë bërë që rezultati i përgjithshëm të mos jetë ai që do të duhej.
Duke u bazuar në rezultatet paraprake të paraqitura na CEMI apo edhe CDT në të gjithë këtë, rezultati i djeshëm mund të ketë edhe një të mirë. Deputeti i vetëm shqiptar nga subjektet shqiptare i cili ka fituar mandatin e deputetit, Genci Nimanbegu nga radhët e koalicionit ”Shqiptarët e vendosur”, mund të ketë rolin vendimtar për formimin e qeverisë së re të Malit të Zi. As pozita dhe as opozita nuk kanë numrat për të bërë qeverinë e re dhe sytë e të gjithëve tani janë nga partitë e pakicave ku boshnjakët do të kenë 2 deputetë ndërsa shqiptaret dhe kroatet nga 1 të tillë.
Nëse ndërkohë nuk ka ndonjë ndrzshim të numrave apo edhe ndonjë levizje të qëndrimeve nga ana e subjekteve opozitare që gjatë gjithë kohës kanë deklaruar se nuk do të hynë në koalcion me DPS-in, atherë shumë lehtë mund të kemi situatën që deputeti shqiptar Genci Nimanbegu të mbajë në duar çelësin e qeverisjes se ardhshme në Mal të Zi.
Valdanosi, Kriporja, komuna e Tuzit, Të mirat detare, Parqet nacionale, arsimi, shëndetësia dhe shumë pika tjera nevralgjike për shqiptarët në Mal të Zi mund të jenë vetëm disa nga temat që deputeti Nimanbegu do të mund që të paraqes në tavolinën e bisedimeve.
Nimanbegu para zgjedhjeve është shprehur se mund të vazhdojë koalicionin me DPS-in por me garant të një pale të tretë, duke potencuar atë ndërkombetare.
