Gezuar Bajramin – Urojnë Komuna e Ulqinit, KKSH, UDSH dhe PD

Me fat Bajrami.

Me rastin e festës se Fitër Bajramit në postën tonë elektronike kanë arritur edhe urime nga subjektet e ndryshme politike, të cilat mund ti lexoni më poshtë.

Urime për këtë festë i bashkangjitet edhe Ulqini Online.

Gezuar.

Urimi i kryetarit të komunës së Ulqinit Fatmir Gjeka

Kryetari Gjeka Uron besimtaret  e besimit islam
Kryetari i Komunës  së Ulqinit Fatmir Gjeka  përgëzon  besimtarët e besimit islam me rastin e Festës së Fiter Bajramit. Ne mesazhin e tij ndër të tjera thuhet:
Kam nder dhe kënaqësinë  që në  emër të Komunës së Ulqinit dhe në emrin tim personal  të gjithë besimtarëve të besimit islam  tua uroj Festën e Fitër Bajramit.
Uroj që  kjo festë  të përcillet  me dashuri , respekt ,solidaritet dhe  vullnet të mirë !      
Paci gëzim dhe mirëqenie përgjatë  vitit në vazhdim.
Qofshi të gëzuar gjithmonë!  Gëzuar Bajramin   !
Urimi i kryetarit të Këshillit Kombetar të Shqiptarëve Genci Nimanbegu

Urime festën e Bajramit të Madh
Kryetari i Këshillit Kombëtar të Shqiptarëve në Malin e Zi, Genci Nimanbegu, uron të gjithë besimtarëve mysliman gëzuar festën e Bajramit të Madh.

Të nderuar besimtar mysliman, Ju që me vullnet dhe bindje të thellë gjatë muajti të Ramazanit e privuat veten nga ushqimi, pija dhe jo vetëm, pa dyshim që festa e Bajramit, vjen si dhuratë nga zoti për Ju. Zoti e pranoftë çdo sakrificë dhe lutje tuajen.

Uroj që këto ditë feste t’i shfrytzojmë të gjithë së bashku, për vizita të ndërsjellta, për të trasmetuar dashuri dhe respekt ndaj njëri tjetrit, ashtu siç e do tradita e shqiptare.

Le të shërbej kjo festë si shenjë mirëkuptimi, tolerance e unifikimi ndërmjet shqiptarëve të të gjitha besimeve fetare, në një kombë të vetem.

Në emrin tim personal dhe të institucionit që drejtoj, Ju uroj të kaloni sa më mirë, pranë miqëve dhe të afërmve Tuaj në këto ditë të shënuara.

Gëzuar !

Kryetari
 
Genci Nimanbegu

Urimi i Unioni Demokratik i Shqiptarëve

URIM PËR  FESTEN E FITËR BAJRAMIT

Më rastin e Festes së Fitër Bajramit , Unioni Demokratik i Shqiptarëve shfrytëzon rastin që të gjithë besimtarëve të Fesë Islame ti përgezoi përzemrsisht për këtë Fest të madhnuar , duke i uru paqë, shendet dhe mbaresi.
Shprehim nderimin tonë për të gjithë të cilët me agjërim kanë kaluar një muaj nën shenjën e adhurimit të Zotit , nën shenjën e mirësisë dhe të përulësisë , të sakrificës e të dashurisë për njëri tjetrin duke rritur edhe më shumë dashurinë e ndërsjellë , paqen dhe solidaritetin.

Gëzuar Festen e Fitër Bajramit , paçi shëndet , fat dhe suksese në jetë kudo që jeni.

Shërbimi për informim të UDSH-së

Urimi i Partisë Demoratike

Urim për festën e Fitër Bajramit

    Të gjithë besimtarëve të besimit Islam urime të përzemërta me rastin e festës së Fitër Bajramit. Qoftë kjo festë e tolerancës, mirëbesimit, mirëqenies, paqes, dashurisë dhe harmonisë. Në këto ditë të shënuara, Zoti e ngrohtë shpirtin e çdo besimtari si dhe gëzimi le ta mundi hidhërimin. URIME.

                                Partia Demokratike
                                     K r y e t a r i
                                     Fatmir Gjeka