Një tjetër storie suksesi vjen nga diaspora jon;. Bashkëvendasi ynë i cili tani jeton në Gjermani, z. Dardan Koliqi, ka arritur që të zgjedhet si kandidati direkt i partisë së gjelbër gjermane në zonën elektorale 107 München-Ramersdorf për zgjedhjet e parlamentit të Bavarisë së Epërme, shkruan Ulqini Online.
“Me 100% të votave jam zgjedhur sot si kandidati direkt i partisë së gjelbër gjermane në zonën elektorale 107 München-Ramersdorf për zgjedhjet e parlamentit të Bavarisë së Epërme.
Më mungojnë fjalët për përkrahjen dhe besimin e marrë dhe jam shumë i lumtur të formoj “ekipin e gjelbër” në juglindje të Mynihut me Sanne Kurz, kandidate për parlamentin e Bavarisë.
Me padurim pres fushatën zgjedhore vitin e ardhshëm!”. kështu shkruan në një post të tij kohë më parë Dardan Koliqi.
Dardani ka qenë nxënës shembullor në shkollën fillore si dhe atë të mesme të qytetit të Ulqinit.
