Në kujtim të veprës dhe jetës së teologut dhe humanistit z. Husejn Bisha, kështu e fillon shkrimin e tij Basri Bisha pasi ka hapur në platformën gofundme mundësinë për të ndihmuar familjen e tij.
Në luftën e egër me sëmundjen e Covid 19, ndër të shumtët që e humbën betejen më këtë sëmundje ishte edhe teologu e humanisti z. Husejn Bisha.
Husejn Bisha u nda nga jeta në moshën 50 vjeçare, ishte bashkëshorti i Samres, babai i Aminës, Muhamedit dhe Sumejes. Ai tërë jetën e vet ia kushtoi veprës më të bukur njerëzore-bamirësisë. Ishte njeri me zemër të madhe, shembull i jashtëzakonshëm i njeriut të dashur, ku gjithmonë e gjente mënyren për tu ndihmuar njerëzve në nevojë.
Ishte themelues i Fondacionit Nur, i cili ka ndihmuar me qindra refugjatë të ardhur në Ulqin nga Kosova në kohën e luftës, nismëtar për ndërtimin e dy kulteve fetare, në Bojk dhe Shtegvash, hapjes së gjimnazit “Drita”, si dhe shumë iniciativave të ndryshme në ndihmë të atyre që kishin nevojë.
Nisur nga qëllimi i mirë i disa bashkëvendësve në diasporë dhe vendlindje kemi menduar që familjes së të ndjerit t’i gjendemi pranë financiarisht për tejkalimin e vështirësive të paraqitura me rastin e humbjes se tij, me qëllim që veprat e nisura nga ai të mos ndalen këtu.
Shpresojmë që qëllimi ynë i mirë të has në mirëkuptimin tuaj.
Ju faleminderit dhe Zoti u shpërbleft!, përfundon shkrimin e tij iniciatori Basri Bisha.
Më poshtë mund të klinkoni në linkun në gofundme për të ndihmuar.
