Sporti i volejbollit, ai i nivelit shkollor, ka një traditë të kahmotshme në trevën e Anës së Malit. Sukseset në këtë sport nuk kanë munguar gjatë gjithë kohës por që kulmin e ka arritur në kohën e mësimdhënësit të njohur të Edukatës fizike, prof. Cano Axhemoviqit.
Akoma edhe kësaj dite mbahen mend gjeneratat e djemëve dhe vajzave të datëlindjeve 1972, 1973 dhe 1974, të cilët nën udhëheqjen e prof. Cano Axhemoviqit arritën të shpallen kampion të shkollave në tërë Malin e Zi. Suksese për tu mos harruar, kujtuar por edhe për motivim për gjeneratat më të reja.
Një sukses interesant dhe shumë të bukur kanë arritur ditë më parë djemtë e shkollës ”Bedri Elezaga” nga Katërkolla.
Kështu, në Igallo u mbajtën garat shkollorë të shkollave filloret të bregdetit të Malit të Zi në të cilat gara Ulqinin e përfaqësonin vajzat e shkollës fillore ”Boshko Strugar” dhe djemtë e shkollës fillore ”Bedri Elezaga” si më të mirët e qytetit të tyre. Në këtë gara sukses arritën djemtë e shkollës fillore ”Bedri Elezaga”.
Siç tregon prof. Mirsad Nasradini, djemtë e Sh.F. ”Bedri Elezaga” arritën dy fitore, ku në gjysëmfinale fituan ndaj shkollës nga Budva ndërsa në finale fituan ndaj shkollës fillore më të mirë nga Tivari.
Mësimdhënësi Nasradini nuk harron të komplimentojë nxënësit që përfaqësuan shkollën fillore ”Bedri Elezaga” dhe që përmbushen me sukses të plotë objektivat për këtë turne. Shkollën ”Bedri Elezaga” në këtë turne e përfaqësuan nxënësit: Anes Xhurreta, Mehmet Gjeka, Dorian Kurti, Allmir Kallaba, Adnan Gjeloshi, Nderim Gjeka, Burim Kaleziq, Rilind Kaleziq, Erion Gjeka dhe Emir Shaba.
Me këtë sukses Sh.F. ”Bedri Elezaga” ka fituar të drejtën të marrë pjesë në ndeshjet finale në nivel të Malit të Zi.
