Kryetari i Komunës së Ulqinit Nazif Cungu dhe kryetari i Këshillit Kombëtar të Shqiptarëve në Mal të Zi Genci Nimanbegu kanë uruar nxënësit, mësimdhënësit dhe prindërit me rastin e fillimit te vitit të ri shkollor.
Kryetari i Ulqinit Nazif Cungu ka uruar te gjithë nxënësit dhe mësimdhënësit me rastin e fillimit te vitit të ri shkollor
Në mesazhin e tij ndër të tjera thuhet, Të gjithë nxënësve, mësimdhënësve dhe prindërve i uroj një vit të mbarë dhe të suksesshëm. Një urim të veçantë për të gjithë nxënësit e klasave të para, për ata që fillojnë një etapë të re të jetës së tyre. Uroj që edhe ky vit të jetë një vit I mbarë dhe sukseseve të përbashkëta.
URIME DITËN E PARË TË SHKOLLËS NGA KRYETARI I KKSH-së
Urim për nxënësit, mësimdhënësit dhe prindërit për ditën e parë të shkollës
Në emër të Këshillit Kombëtar të Shqiptarëve në Mal të Zi dhe në emrin tim personal, e përcjell këtë urim tek të gjithë nxënësit për ditën e parë të shkollës, duke i dëshiruar një fillim të mbarë, të suksesshëm dhe sa më të frytshëm.
I urojmë njëherit edhe mësimdhënësve fillimin e vitit të ri shkollor, me dëshirën që dituria e tyre dhe e librit, të gjejnë strehim në mendjen e nxënësve dhe puna e tyre e shenjtë të realizohet si duhet.
Urojmë edhe prindërit për një vit sa më të suksesshëm për fëmijët e tyre, duke i kujtuar që sakrifica e bërë për t’i mundësuar fëmijëve arsimim sa më cilësor, një ditë do të shpërblehet.
Urimi më i veçantë është padyshim për ata që sot për herë të parë do të ulen në bankat e shkollës, të cilët më këtë rast fillojnë një etapë të re të jetës së tyre, për çka ju urojmë suksese.
Dua që me këtë rast të përcjell edhe një këshillë:
“Dituria është e vetmja gjë në botë me vlerë, por pa çmim; e vetmja gjë që fitohet dhe nuk blihet. Ka shumë gjëra që presin për t’u mësuar, por shumë pak kohë për t’i mësuar”.
Andaj, shfrytëzojeni secilin moment për të ndriçuar mendjen tuaj me dituri dhe, mbi të gjitha, mos harroni se ditët më të bukura janë ato në bankat shkollore.
Me shumë respekt,
Kryetari
Genci Nimanbegu
