Kryetari i Komunës së Ulqinit dhe lideri i koalicionit “Bashkë për të ardhmen e Ulqinit” Fatmir Gjeka i ka dërguar udheheqësve të partive që kanë klubet e këshilltarëve në Kuvendin komunal propozim për arritjen e një marëveshtjeje politike për të zgjidhur krizën në të cilën gjendet veteqeverisja lokale.
Duke theksuar që gjëndja mund të tejkalohet vetëm me mareveshtjen e subjekteve relevant politik , me konsenzus dhe pa kushte, kryetari Gjeka në letër thekson që qëllimi i marëveshtjes është të mundësojë punën efikase të organeve dhe institucioneve të administratës lokale dhe ndërmarrjeve publike themelues i së cilave eshte Kuvendi komunal, deri në mbajtjen e zgjedhjeve lokale.
“Në këtë drejtim në takimin e parë të kryetarëve të partive do të formohej grupi punues i cili sa më parë do të propozojë marëveshtjen”, theksohet në letrën e kryetarit Gjeka.
Ai propozon që takimi i parë me liderët e partive të mbahet ditën e dielë më 6 mars 2016.
