Në qytetin e Ulqinit, qytetin e pasurive natyrore, historike dhe kulturore, është inauguruar sot Konsullata e Përgjithshme e Republikës së Shqipërisë. Në këtë inagurim morën pjesë ministrat e punbëve të jashtme të Shqipërisë dhe Malit të Zi, Igli Hasani dhe Ervin Ibrahimoviq, kryetari i Komunës së Ulqinit Genci Nimanbegu, përfaqësues të qeverive qendrore dhe vendore, trupit diplomatik, qytetarëve të Ulqinit etj, shkruan Ulqini Online.
Konsull i parë i Konsullatës është z. Arben Doçit ha se emërimin e tij në këtë post e cilësoi nder por, dhe obligim për angazhim më të madh në sforcimin e marëdhënijeve të dy vendeve.
Inaugurimi i kësaj konsullate për ministrin Hasani është njëkohësisht dëshmi e raportit të veçantë dhe marrëdhënieve mes dy vendeve tona, por edhe një angazhimi të përbashkët për të ndërtuar një të ardhme më të fortë dhe më të lidhur mes Shqipërisë dhe Malit të Zi.
Në fjalën përshëndetëse të inaugurimit, ai u shpreh:
“Në një kohë kur Shqipëria dhe Mali i Zi janë aleate dhe ndajnë një vizion të përbashkët për paqe, stabilitet dhe integrim evropian, ky hap përfaqëson një shtyllë të rëndësishme për thellimin e bashkëpunimit në të gjitha nivelet – politik, ekonomik, kulturor dhe njerëzor. Do të jetë një nyje strategjike për të ndihmuar në forcimin e shkëmbimeve tregtare, promovimin e investimeve, dhe rritjen e mundësive për zhvillim të qëndrueshëm, veçanërisht në sektorë si turizmi, energjia dhe infrastruktura.”
Ministri i punëve të jashtme të Malit të Zi Ervin Ibrahimoviç tha se lidhjet historike, kulturore, ekonomike dhe familjare mes qytetarëve të Malit të Zi dhe Shqipërisë paraqesin një bazë të fortë për vazhdimin dhe thellimin e marrëdhënieve ndërshtetërore.
“Hapja e një tjetër misioni diplomatik të Shqipërisë në Mal të Zi simbolizon angazhimin e ndërsjellë për bashkëpunim të mëtejshëm dhe përmirësimin e lidhjeve kuptimplote. Fakti që selia e Konsullatës së Përgjithshme është në Ulqin, një qytet që është një nga shembujt e multikulturalizmit dhe bashkëjetesës harmonike, konfirmon më tej lidhjen e fortë mes popujve tanë”, theksoi Ibrahimoviq.
Kryetari i Ulqinit Genci Nimanbegu tha se kjo ditë ishtë e veçantë për Ulqinin dhe banorët e tij dhe se Konsullata do ti shërbejë avansimit edhe më të madh të bashkëpunimit në fushën e sportit, kulturës, artit dhe fushave të tjera por do të lidhë edhe më shumë Ulqinin me shtetin amë.
