Foto: Kuvendi i MZ
Deputetët e Kuvendit të Malit të Zi zgjodhën dje në Cetinje Faruk Resulbegoviqin për gjyqtarin e shtatë të Gjykatës Kushtetuese.
Për zgjedhjen e tij votuan 56 deputetë, ndërsa abstenuan 21 deputetë.
Pas zgjedhjes, Resulbegoviq bëri betimin para deputetëve.
Në rundin e parë të votimit, në muajin shkurt, ai nuk mori dy të tretat e shumicës prej 54 deputetësh.
Në fillim të seancës së Kuvendit dje është konstatuar dorëheqja e Fatmir Gjekës nga posti i deputetit. Për këtë u informua Komisioni Shtetëror të Zgjedhjeve, për të kryer procedurën për plotësimin e mandatit të deputetit. Pas verifikimit nga Komisioni Qendror i Zgjedhjeve, në vend të Gjekës u emërua Ilir Çapuni, përndryshe nënkryetar i Forcës së Re Demokratike.
