Heqja e roamingut për Ballkanin Perëndimor dhe sigurimit për automjetet që hyjnë në Malin e Zi nga Kosova, duke filluar nga 1 korriku, mund të jetë një hyrje e sigurt për një sezon të suksesshëm turistik për qytetin e Ulqinit për këtë vit.
Kryetari i Qendres turistike të Kosovës, Shkelzen Rizaj, i cili prej vitesh ka theksuar se sigurimi i automjeteve duhet të hiqet sepse krijon turma të mëdha dhe të panevojshme në kufij, veçanërisht në Sukubinë, mendon se sezoni do të jetë i suksesshëm, shkruan Vijesti, transmeton Ulqini Online.
“Me heqjen e roamingut, gjithçka do të jetë më e lehtë tani. Ne do të bëjmë gjithçka për të mbushur kapacitetet turistike në Ulqin, dhe nëse gjendja epidmiologjike është e favorshme, atëherë nuk do të jetë edhe aq e vështirë. Kështu, të premten, nuk kishte vende të lira në hotelet e Ulqinit, “tha Rizaj.
Ai deklaroi se kosovarët tradicionalisht janë në favor të Ulqinit për të kaluar pushimet verore. Rizaj shton se mjaft mysafirë nga Kosova ka edhe ne qytetet tjera në Mal të Zi.
“Më kanë thirrë dje nga Budva … Ka turistë kosovarë në Avala, Splendid, Beçiq … Ky do të jetë një sezon i mirë për të gjithë”, thotë punëtori me përvojë të gjatë turistike, i cili ka lobuar për bregdetin e Malit të Zi dhe posaçërisht për Ulqinin për dekada.
