Besimtarët e e besimit islam sot fillojnë muajin e Ramazanit. Për këtë muaj të madhërueshëm urojnë kryetari i Komunës së Ulqinit Alekdandër Daboviq dhe kryetari i Forcës së Re Demokratike Nazif Cungu.
Urimet mund ti lexoni të plota më poshtë.
Urimi i Kryetarit Aleksandër Daboviq per fillimin e muajit te Ramazanit
Muaji i Ramazanit është mundësi që njerëzit të bashkojnë forcat, të falin njëri-tjetrin dhe në ditët që pasojnë, përmes agjërimit dhe lutjeve, është e rëndësishme të tregojmë mirëkuptim ndaj njëri-tjetrit dhe ti falim e ndihmojmë ata që kanë nevojë.
Ne duhet ta shfrytëzojmë këtë kohë sfiduese për të reflektuar mbi vlerat e vërteta të njerëzimit dhe faljes që sjell muaji i Ramazanit.
Të gjithë besimtarëve të besimit Islam i uroj agjërim të lehtë, paqe dhe qetësi për familjet e tyre.
Mesazh urimi për fillimin e muajit të Ramazanit nga kryetari i Forcës Nazif Cungu
Të nderuar besimtare dhe besimtarë,
Më lejoni që në emër të Forcës së Re Demokratike por edhe në emrin tim personal, t’ju uroj përzemërsisht për fillimin e muajit të begatë të Ramazanit.
Nesër, me datë 13 prill është dita e parë e këtij muaji të madhërueshëm e njëkohësisht edhe dita e parë e agjërimit. Agjërimi mbart në vetvete sakrificën dhe përkushtimin ndaj Zotit, ku agjërimi ka qëllim kryesor fitimin e kënaqësisë së Zotit.
Me agjërimin e muajit të Ramazanit shprehet më së miri besimi, humanizmi dhe sinqeriteti, të cilat virtyte duhet të stolisin çdo besimtar edhe në jetën e tij të përditshme. Edhe ky vit na gjen në situatë jo të mirë nga pandemia, ku duhet të tregojmë kujdes të veçantë dhe të ndihmojmë njëri-tjetrin për ta tejkaluar këtë sfidë me besim dhe përkushtim.
Muaji i madhërishëm i Ramazanit na rikujton dashurinë, kujdesin dhe vëmendjen që duhet të kemi për njerëzit që na rrethojnë, veçmas në këtë kohë pandemie për ato që ndihma i nevojitet. Ne këtë mënyrë të bëhemi shkak që edhe shoqëria jonë të veçohet nga mirësia, harmonia dhe paqja.
Uroj agjërim të lehtë, adhurime dhe vepra të mira për gjithsecilin të pranuara nga Zoti i Gjithësisë!
Kryetar
Nazif Cungu
