Teatri, një fjalë që vite me radhë për Ulqinin e ulqinakët ishte e “huaj”, e sidomos për gjeneratat e reja. Në Ulqin, teatër nuk kishim, por edhe pse mungonte, vitet e fundit me vullnetin e disa njerëzve kemi pasur mundësi që sadopak, të njoftohemi me të. “ OraBizare” e Emin Halilit me autor Basri Capriqin, ishte e para e cila erdhi para nesh e që mbet e pashlyeshme. Pastaj me rastin e 100 vjetorit të pavarsisë së Shqiperisë vjen koreodrama “Kalendari” me regjisor Munib Abazin dhe e fundit “Servantesi&Dolcinea” me po te njejtin regjisor, kështu thuhet në një kumtesë të këtij teatri të nënshkruar nga drejtori Munib Abazoviq.
OJQ Teatri “Teuta” është themeluar me iniciativën e disa individëve, të cilët me datë 18.09.2016. në mbledhjen e kryesisë kanë nënshkruar Aktin e themelimit dhe Statutin për themelimin e organizatës joqeveritare, të cilin e ka aprovuar Ministria e Punëve të Brendëshme të Malit të Zi me datë 21.10.2016,me numer 01-UP I-006/16-4511/4,Podgoricë. Në kuadër të teatrit do të punoj staf profesionist i përbërë nga regjisorë, skenografë dhe kostumografë, si dhe aktor të diplomuar, të cilët për publikun vendas dhe të huaj do të sjellin shfaqe kombëtare dhe ndërkombëtare të zhanreve të ndryshme.
Qëllimi I kësaj organizate joqeveritare është të ringjallë jetën teatrale të Ulqinit dhe që brezat e rinj të rriten në frymën artistike. Nuk do të mungojnë shfaqjet teatrale për fëmijë, por edhe për të rritur. Qëllimi ynë është që të jemi edhe nikoqir të teatreve të jashtëm. Gjithashtu, teatri “Teuta” do të ketë rol të bashkoj njerëzit për ti njohur me jetën dhe shoqërinë.
Ky teatër, kjo organizatë joqeveritare, nuk do të ishte e plotë pa anëtarët e kryesisë, të cilët janë:
- Munib Abazoviq – Drejtorë i teatrit
- Muho Uruci – Arkitekt
- Edina Mustafiq – Studente ne fakultetin e arteve, drejtimiRegjiteatri,viti I fundit
- Jetmira Hoxha – Skenograf edhe Kostumografe
- Bashkim Alaj – Aktor
- Albana Kurti Zeceviq – Menaxhere e marketingut
- Eliana Peku – Administratore e teatrit
- Suad Bejta – Gazetar
