Në kuadër të Edicionit të dytë të Festivalit të filmit “Seanema” i cili po mbahet në ambientet e hotelit Otrant në Ulqin sonte do të jetë nata e filmit shqiptar. Nga organizatoret mësohet se për shkak të kushteve atmosferike mbrëmjen e së shtunes festivali i filmit do të transferohet ne Qendren për kulturë të Ulqinit.
Kështu me fillim nga ora 19:30 do të shfaqet Filmi “Koncert në vitin 1936” prodhim i vitit 1978 i cili tregon për vizitën e e dy artisteve shqiptare (këngëtare dhe pianiste) në qytetin e Lushnjës gjatë kohës së monarkisë shqiptare gjë që “tronditi jetën e një qytetit tejet konservator.
Për në orën 22:00 është planifikuar Filmi “Kapedani” prodhim i vitit 1972 me regji të Muharrem Fejzo dhe Fehmi Hoshafi dhe Skenar të: Skënder Plasari. Personazhi kryesor Xha Suloja e ka të vështirë të pranojë ta urdheroj një grua. Kulmi arrin kur kryetarja e kooperativës gjatë një alarmi natën e cakton të kujdeset për kotecin e pulave. Film që ja vlen të shihet dhe rishihet.
Poashtu sonte nga ora 17:30 janë të paraparë edhe 4 filma të metrazhit të shkurtër që do të shfaqen në sallen e vogël të hotelit Otrant.
