Ilustrim
Shoqata e Artistëve dhe Intelektualëve “Art Club” do të organizojë më 11-13 shtator 2026 edicionin e 34-t të manifestimit letrar Kalimera Poetike “Basri Çapriqi”.
Në programin e edicionit të sivjetshëm do të jenë mbrëmja letrare homazh kushtuar shkrimtarit dhe studiuesit Rexhep Qosja, i ndarë nga jeta në prill të këtij viti, si dhe dy mbrëmje autoriale me shkrimtarët dhe studiuesit e letërsisë Anila Mullahi – Elezi dhe Gëzim Aliu.
“Kalimera Poetike” është sot imazhi letrar dhe kulturor i Ulqinit dhe i shqiptarëve në Malin e Zi. Me traditën dhe trashëgiminë e saj, ajo zë vend nderi në hartën e festivaleve letrare që organizohen në hapësirën shqipfolëse dhe në vetë Malin e Zi.
“Kalimera Poetike” ka edhe një dimension tjetër të rëndësishëm për shqiptarët në Malin e Zi të sotëm – të mbajë gjallë gjuhën shqipe në një hapësirë ku ajo është e rrezikuar seriozisht dhe ndonjëherë edhe e padëshirueshme.
Edicioni i këtij viti do të mbahet në tri vende të ndryshme në komunën e Ulqinit – Muzeun e Ulqinit në Kala, Librarinë “Ulqini” dhe Restorantin “Shasi”, duke synuar që përpos letërsisë të promovojē edhe trashëgiminë historike e kulturore dhe potencialet turistike të këtij qyteti.
Programi
E PREMTE, 11 shtator 2026
(Muzeu në Kalanë e Ulqinit, ora 20:00)
Hapja e manifestimit
Fjala e hapjes
Ismet Kallaba, kryetar i SHAI “Art Club”
Mbrëmje letrare
kushtuar shkrimtarit dhe studiuesit
Rexhep Qosja
Flasin për krijimtarinë e autorit
Ag Apolloni, shkrimtar
Irena Toçi, botuese
Lexon pjesë nga krijimtaria e autorit:
Naim Berisha, aktor
Moderator:
Haxhi Shabani
E SHTUNË, 12 shtator 2026
(Libraria “Ulqini”, ora 20:00)
Mbrëmje autoriale
me shkrimtaren dhe studiuesen e letërsisë Anila Mullahi – Elezi
Moderatore:
Liridona Sinishtaj – Doçe
E DIEL, 13 shtator 2026
(Restoranti “Shasi”, ora 20:00)
Mbrëmje autoriale
me shkrimtarin Gëzim Aliu
Flet për krijimtarinë e autorit
Mërgim Bekteshi, kritik letrar
Moderatore:
Vediha Gjoni
Mbyllja e manifestimit
Shoqërojnë me muzikë: Ares Fani (kitarë), Erald Rragami (fizarmonikë) dhe Duliem Puka (violinë)
