Partia Qendrore Shqiptare për Integrime (PQSHI) vlerësoi se pas formimit të koalicionit të gjerë në nivel lokal në Ulqin , pushteti lokal funskionon në parimin që të gjithë partnerët e koalicionit janë duke u përpjekur për të plotësuar pozitat udhëheqëse me kuadro të ndëgjueshëm me theks të veçantë të nepotizmit. Në një njoftim për shtyp nga kjo parti, lideri i së cilës është Dr. Isat Jakupi, thotë se në këtë prin DPS, shkruan DAN.
Kryetar i Këshillit komunal të DPS-it në Ulqin ka caktuar përfaqësues në pozita në qeverisjen lokale dhe në këshilla drejtues persona të provuar dhe të ndëgjueshëm që janë të afërt me njerëzit udhëheqes të kësaj partie. Për nënkryetar të Komunësështë vendosur Vaso Radovic, kuadër i provuar. Për anëtarë në Këshillin drejtues tëUjësjellësit Regjional të kryesuar nga Goran Jevriq ish koordinator i DPS-it për Ulqin është vendosur Nikoleta Nrekiq, vajza e kryetarit të Këshillit komunal Loro Nrekiqit. Natyrisht, dhe djalin Nikollen, Loro Nrekiqi e ka vendosur në krye të Qendrës për fëmijët me nevoja të veçanta, edhe pse pa përvojë. Në ndërmarrjen Veprimtaritë Komunale për anëtar të Këshillit drejtues është vendosur Nikolla Marnikoviq i cili është i afërt me Nrekiqin dhe përveç kësaj i degjueshëm. Në Këshillin drejtues të ndërmarrjes Ujësjellës dhe kanalizime janë vendosur Xhemal Vukoviq dhe Gjovalin Shkrela djali i vëllaut të Lubo Shkreles, në krye të Sekretariati për Urbanizëm është vendosur i riu Aleksandar Daboviq, djali i Gjoko Daboviqit, kumarë i Loro Nrekiqit – kështu thuhet në deklaratë të Partisë Qendrore Shqiptare për Integrimin.
