Ministria e punëve të jashtme dhe integrimet evropiane, drejtoria për diasporë, ka shpallë sot ftesën publike për kandidimin e përfaqësuesve të mërgimtarëve për anëtarë të Këshillit për bashkëpunime me mërgimtarët.
Ftesa publike siç është kumtuar është e hapur deri me 22 mars dhe gjendet në faqen e internetit të Ministrisë së punëve të jashtme dhe integrimet evropiane. Nga kjo ministri kanë përkujtuar se ligji për bashkëpunimin e Malit të Zi me mërgimtarët parasheh formimin e Këshillit për bashkëpunim me mërgimtarët si trup këshillëdhënës i qeverisë i cili merr pjesë në hartimin dhe zbatimin e strategjisë , të planit aksionar për realizimin e strategjisë si dhe të aktiviteteve të përditshme të bashkëpunimit me mërgimtarët.
Këshillin në radhë të parë e përbëjnë përfaqësuesit e mërgimtarëve pastaj përfaqësuesit e organeve të administratës shtetërore të Kuvendit të Malit të Zi , të komunave dhe institucioneve tjera si dhe të shoqatave dhe personaliteteve të shquara, thuhet në kumtesë. Shtohet se përfaqësuesit e mërgimtarëve për anëtarë të Këshillit i propozojnë organizatat më aktive të mërgimtarëve dhe organizatat e mërgimtarëve në numrin më të madh të mërgimtarëve të cilat veprojnë në territorin e shtetit ku do të bëhet zgjedhja e tyre.
