Edicioni i parë i Festivalit të Filmit Dokumentar „SEANEMA Film Festival“, në Ulqin i cili për slogan ka “Sfido mendjen e korruptuar” nisi mbrëmë me pjesmarrjen e një numri shumë të madh të të pranishmeve. Numri shumë i madh i të pranishmeve detyroi organizatoret që për disa herë radhazi të shtyejnë fillimin e aktivitetit.
“The Kids from Marx and Engels Street”, ishte filmi dokumentar që e hapi edicionin e parë të Festivalit të Filmit „SEANEMA Film Festival“, në Plazhin e Otrantit në Ulqin i cili do të zgjasë deri më 28 shtator. Ky aktivitet organizohet nga OJQ “iACT”.
Për orarin e aktiviteteve në ditët në vazhdim KLIKONI KËTU.
Organizatoret, pjesa më e madhe e të cilëve janë të rinj dhe të reja të qytetit tonë mbrëme ishin të gëzuar me nisjen e mbarë të këtij aktiviteti. Ky aktivitet solli një freski në qytetin tonë dhe mbresat e të pranishmeve rreth këtij ishin mjaft pozitive.
