Të premten dhe të shtunën në Çanj të Tivarit u mbajtën lojrat sportive të mësimdhënësve të shkollave fillore dhe të mesme të Malit të Zi. Në këto lojra morën pjesë edhe mësimdhënësit e qytetit tonë.
Ato morën pjesë në disa disiplina por suksesin më të madh e arritën në volejboll ku në një konkurencë prej 16 ekipeve arritën të shpallen kampion. Poashtu sukses arritën edhe në disiplinën e volejbollit në rërë ku shpallen nënkampion.
Kryetari i Sindikatit të Arsimit të qytetit të Ulqinit Nail Asllani në një postim të tij shprehet i entuziasmuar me arritjet në këto lojra.
Meritat për këtë sukses i takojnë punëtorëve të arsimit të qytetit tonë por që janë të njohur edhe si sportisë të mirë si Senad Tafa, Valdet Kurti, Kadri Sinani, Mirsad Nasradini, Dritan Rexha e të tjerë.
Foto nga Nail Asllani
