Ilustrim: Nga një aktivitet i kaluar
Këtë fundjavë OJQ Horizonti i Ri realizoi sesionin e parë trajnues në kuadër të projektit “Fuqizimi i të rinjve në promovimin e dialogut dhe tolerancës”, në të cilin marrin pjesë tridhjetë të rinj nga Ulqini dhe Tivari.
Tema e këtij takimi ishte demokracia: çfarë nënkupton ky koncept, cilët janë parimet themelore të demokracisë, si funksionon ajo, të jetuarit në demokraci, si mund të abuzohet me të, si praktikohet demokracia në SHBA, etj. Këto ishin disa nga çështjet që trajtuam në këtë aktivitet.
Workshopi u moderua nga dy profesionistë të dalluar në këtë fushë, Negjelko Gjuroviq dhe Sabra Deceviq.
Fotogrfitë nga ky aktivitet mund të shikohen në këtë LINK
“Përshtypja e vetë pjesëmarrësve, por edhe e organizatës sonë, është më se e shkëlqyer. Ishte shumë e këndshme të dëgjoheshin qëndrimet e mendimet, gjykimet dhe komentet interesante të të rinjve nga Ulqini dhe Tivari. Ne konsiderojmë se kjo temë duhet t’u prezantohet sa më shumë të rinjve në komunitetet tona dhe të krijohen programe të vazhdueshme edukative mbi këtë temë.”, deklaruan drejtuesit e këtij programi.
Ky projekt ka për qellim krijimin e një bashkëpunimi efektiv midis të rinjve nga Ulqini dhe Tivari, thyerjen e paragjykimeve dhe barrierave në komunikim si dhe rritjen e njohurive dhe shkathtësive të tyre për pjesëmarrje në iniciativat lokale dhe në proceset integruese.
Projekti realizohet me mbështetjen e Ambasadës së SHBA në Podgoricë.
