Forca e Re Demokratike përshëndet marrëveshjen e nënshkruar në mes të kryeministrit të Kosovës Avdullah Hoti dhe presidentit të Serbisë Aleksandar Vuçiq si një hap i rëndësishëm drejt ngritjes së mëtejmë të shtetit të Kosovës dhe përmirësimin e jetës së qytetarëve të saj me normalizimin e marrëdhënieve ekonomike në mes dy shteteve, thuhet në kumtesen e Shërbimit për Media i Forcës së Re Demokratike.
Shpresojmë që kjo marrëveshje së shpejti të lindë edhe njohjen reciproke në mes të dy shteteve. Njëkohësisht shprehim falënderimin e thellë Shteteve të Bashkuara të Amerikës për ndërmjetësimin në këto bisedime.
Me këtë rast, Forca e Re Demokratike, i ka dërguar telegrame mirënjohjeje kryeministrit të Kosovës z. Avdullah Hoti, ministres së Punëve të Jashtme të Kosovës zonjës Meliza Haradinaj – Stublla dhe ambasadorit të Kosovës në Podgoricë z. Ylber Hysaj, përfundon kumtesa e Shërbimit për Media i Forcës së Re Demokratike.
