Besimtarët katolik shqiptarë nga e gjitha bota sot kremtojnë pashkët, ditën e madhe të ringjalljes e të fitores së jetës ndaj vdekjes.
Me këtë rast urimet vinë nga të gjitha anët.
Më poshtë mund të lexoni urimet për këtë festë.
Urimi i Këshillit Kombetar të Shqiptarëve në Mal të Zi
URIME PASHKËT!
Të gjithë besimtarëve të fesë së krishterë, në veçanti atyre me kombësi shqiptare, në emër të Këshillit Kombëtar të Shqiptarëve në Malin e Zi dhe në emrin tim personal ju uroj për shumë mot Pashkët.
Festa e Pashkëve simbol i një fillimi të ri, ripërtëritjes, ringjalljes, triumfi i të mirës ndaj së keqes, jetës ndaj vdekjes, shpresës ndaj dëshprimit etj. Në këto kohë të vështira për mbarë njerëzimin, si pasojë e pandemisë COVID-19 që ka paralizuar thuajse gjithë botën, shumë më fort ndjejmë mungesën e pranisë fizike të të afërmve, shokëve dhe miqëve tanë sidomos në ditët e festave. Lutemi dhe urojmë me besim në Zot se do t’i kalojmë edhe këto sfida jo të lehta, për t’u bërë bashkë përsëri.
Shëndeti, dashuria e harmonia mbizotëroftë gjithmonë në familjet tuaja.
Gëzuar dhe për shumë mot!
Kryetari,
Faik Nika
Urimi i Forcës së Re Demokratike
Urime Pashkët
Dëshiroj të uroj përzemërsisht besimtarët katolik shqiptarë të cilët sot kremtojnë pashkët, ditën e madhe të ringjalljes e të fitores së jetës ndaj vdekjes. Gëzuar Pashkët!
Uroj paqe, shëndet e ditë më të mira për ju bashkombasit tanë të krishterë por edhe për gjithë popullin tonë! Njëherazi ju lutem që të bëni kujdes e të mbani distancën sociale. Edhe pse fizikisht larg miqve ju mund të festoni me zemrat të bashkuara!
Simboli i kësaj feste është akoma më i vyer e kuptimplotë sot tek po përballemi me pandeminë e koronavirusit. Zoti është një për të gjithë ne dhe ne i lutemi që ta kalojmë sa më shpejt këtë sfidë.
Çdo të mire,
Kryetar
Nazif Cungu
Urimi i Lidhjes Demokratike në Mal të Zi
ARQIPESHKVIT TË TIVARIT
Zotëri, imzot Rrok Gjonlleshaj
Tivar
I nderuari, Arqipeshkv i Tivarit, zotëri imzot Rok Gjonlleshaj.
Në këtë periudhë të vështirë pandemie, në prag të Festave të Pashkëve, e që ka kapluar gjithë njerëzimin në rruzullin toksorë, besimi te Zoti na bënë më të ndërgjegjshëm e më të fortë dhe lutjet tona shkojnë për kapërcimin e kësaj fatkeqësie sa më parë. Njëherit shfrytëzoj nga rasti i festës së PASHKËVE, festës më të rëndësishme e besimtarëve katolikë, t’Ju uroj nga zemra GËZUAR PASHKËT.
Kjo festë edhepse në këto kushte jo të zakonshme, pavarësisht nga distanca por me zemër jemi pranë besimtarëve katolikë, le të jetë shpresë për rikthimin e njerëzimit në normalitet, le të ringjallin zemërgjërësinë e tolerancën, respektin e bujarinë, paqën dhe dashurinë mes njëri-tjetrit, të qëndrojmë larg fizikisht por sa më afër shpirtërish.
Përmes Jush, në emër të Lidhjes Demokratike në Mal të Zi uroj, të gjithë besimtarët katolikë në mbarë botën, në veçanti besimtarët katolikë shqiptarë, mbizotëroftë paqja dhe dashuria në Familjet e tyre dhe gëzuar për shumë mot Pashkët.
Përzemërsisht, KRYETARI,
Saubih Mehmeti
