Për festën e Krishtlindjeve në adresen e Ulqini Online kan mbërrijtur urimet e kryetarit të Komunës së Ulqinit z. Loro Nrekiq, kryetarit të Këshillit Kombëtar të Shqiptarëve në Malin e Zi z. Faik Nika dhe kryetarit të Forcës z. Nazif Cungu.
Urimet e plota mund ti lexoni më poshtë.
Kryetari i Komunës së Ulqinit Loro Nrekiq i ka uruar qytetarët e besimit katolik me rastin e Festës së Krishtlindjeve
Të nderuar besimtarë,Ju uroj festën e Krishtlindjeve me lutjet që në familjet tuaja të mbretërojë mirëqenia dashuria dhe paqja. Le të shërbejë kjo festë e faljes dhe solidaritetit ,harmonisë dhe mirëkuptimit ndërmjet njerëzve për të na bërë bashkë që tu gjendemi pranë atyre që kanë nevojë dhe për të ndërtuar një të nesërme me mirëqenie dhe progres për të gjithë qytetarët tanë.
Gëzuar !
URIME KRISHTLINDJET!
KRYETARI I KKSH-SË URON BESIMTARËT E KONFESIONIT KATOLIK GËZUAR KRISHTLINDJET
Në emër të Këshillit Kombëtar të Shqiptarëve në Malin e Zi dhe në emrin tim personal, me rastin e festës së Krishtlindjeve të gjithë besimtarëve të krishterë, në veçanti atyre shqiptar, Ju urojmë gëzuar festën!
Uroj që këto ditë t’i kaloni në paqe, dashuri, begati dhe respekt ndaj njëri-tjetrit. Festat fetare për shqiptarët, përveç aspektit religjoz, krijojnë atmosferë harmonie, përafrimi dhe uniteti kombëtar, për cka jemi krenar.
Gëzuar të gjithëve dhe për shumë mot!
Me respekt,
Kryetari,
Faik Nika
URIMI ME RASTIN E FESTËS SË KRISHTLINDJEVE NGA FORCA
Të nderuar besimtarë, më lejoni t`i bashkëngjitëm urimit më të sinqertë për Festën e Madhe të Krishtlindjeve. Kremtja e Krishtlindjes le të sjellë mesazhin e paqes, respektin, dashurinë, mirëkuptimin dhe tolerancën midis popujve. Prandaj, le të festojmë në bashkëjetese e harmoni gjithë shqiptarët së bashku dhe ti gëzojmë festat e njëri-tjetrit pavarësisht nga përkatësia fetare.
Të gjithë besimtarëve shqiptar të fesë katolike në Republikën e Kosovës, Shqipërisë dhe anembanë botës që festojnë këtë natë të shenjtë Gëzuar Krishtlindja.
Ju dëshiroj shëndet, paqe e lumturi me familje tuaja.
Gëzuar dhe për shumë mot!
Kryetar
Nazif Cungu
