Web faqja e komunës së Ulqinit kohëve të fundit funksionon më së miri dhe mirëmbajtësit e faqes të angazhuar në këtë punë janë duke punuar më së miri dhe duhen përgëzuar.
Nëse merret si rezultat i punës: mirëmabjtja dhe azhurnimi i rregullt, informacionet e përditësuara, lehtësia në qasja dhe një numër shumë i madh i dokumentave të publikuar dhe që mund të jenë të dobishëm për qytetaret dhe në të cilët qasja është shumë e lehte, lirisht mund të themi fjalët më të mira për këtë web faqe. Në këtë drejtim vetëm lëvdatë.
Por, qytetaret do të donin edhe më shumë, por që kjo kritikë nuk do ti shkonte sektorit të mirëmbajtjes. Rrjedhja dhe transparenca e plotë e të gjitha të hyrave dhe daljeve monetare duhet të jetë pjesë e informacioneve në këtë web faqe.
Nga ana tjetër ndërmarrjet publike të komunës së Ulqinit në këtë drejtim nuk mund të krenohen. Përveç Ndërmarrjes Publike Veprimtaritë Komunale ku drejtor është z. Sait Katana web faqja e së cilës është në funksion dhe mund të gjenden informacione rreth kësaj ndërmarrjeje, ndërmarrjet tjera as që kanë web faqe ose ”vështirë që të gjenden”.
Web faqja është një dritare dhe pasqyrë e cila është domosdoshme për çdo institucion nëpërmes së cilës komunikimi me qytetaret dhe palët e interesuara është shumë më i lehtë dhe efikas.
