KUMTESË nga mbledhja e Kryesise se Shoqates “Ana e Malit”
Diaspora shqiptare në SHBA, në vazhdimësi ka ndjekur dhe ndjek me vëmendje zhvillimet e ndryshme, sociale, politike e kulturore në trojet shqiptare dhe është munduar të jap kontributin e vet modest në ndihmë të këtyre zhvillimeve.
Shoqata Shqiptaro-Amerikane “Ana e Malit” në New York, si një prej shoqatave që mbledh mërgimtarët nga treva e Anës së Malit, pjesë e Diasporës shqiptare në ShBA, që prej fillimit të aktivitetit të saj , duke përcjell me vëmendje situatën në vendlindje, është përpjekur të jap ndihmesën e vet në fusha të ndryshme të jetës në vendlindje, duke u ndier dhe solidarizuar me ndjenjën më të pastër njerëzore dhe vëllazërore, me problemet e natyrave të ndryshme dhe peripetitë e bashkëvendasve të vet për tejkalimin apo zbutjen sado pak të këtyre vështirësive.
Ne, poashtu kemi qenë dhe jemi shumë të interesuar edhe për situatën politike në vendlindje ,ku herë pas here kemi reaguar kundër krijimit të njëpasnjëshëm të partive politike shqiptare atje, sepse kemi qenë dhe jemi të bindur se një gjë e tillë nuk e forcon por përkundrazi e dëmton çështjen shqiptare në MZ.
Formimi i pandërprerë i këtyre subjekteve politike,ka bërë që shqiptarët në Malin e Zi, të përçahen edhe më shumë dhe pozita e tyre të jetë gjithnjë e më e vështirë.
Ishte lajm I mirë për ne si diasporë e Anës Malit , kur para dy viteve pranë Biznis Klubit Ana e Malit u themelua Sh.A “Tradita”,me qëllim ruajtjen e traditës anamalase dhe kultivimin e folklorit, e veshjeve të Anës Malit. E kemi mirëpritur “Traditën” sepse kemi vlerësuar se ka qenë e nevojshme dhe e domosdoshme që, Ana e Malit si trevë, të jetë e përfaqësuar denjësisht edhe në aspektin folklorik e kulturor , si brenda ashtu edhe jashtë vendit. Dhe me vëmendje kemi ndjekur punën e pa lodhur të kësaj Sh.A. e cila edhe përkundër vështërsive të natyrave nga më të ndryshmet, ka nisur aktivitetin e vet, ka arritur të zhvillohet e të ngritet artistikisht dhe si e tillë denjësisht të përfaqsojë Anen e Malit, si në vendlindje ashtu edhe Shqipëri ,Kosovë etj.
Pjesëmarrja e “Traditës” në Manifestimin e Ditës së Flamurit dhe 102 vjetorit të pavarësisë se Shqipërisë dhe prezantimi dinjitoz i vlerave kulturore dhe tradites anamalase e me gjërë, me këngë dhe valle të interpretuara me mjaft profesionalizëm nga djemt dhe vajzat e mrekullueshme të kësaj treve ,na entuziazmuan aq shumë, duke na bërë të ndjehemi krenar që jemi shqipëtar dhe anamalas. Ata sollën këtu tek ne në ShBA ,me fuqinë e artit, tërë bukurinë dhe aromën e vendlindjes sonë, në mënyrën më të mire të mundshme. Kjo paraqitje e Sh.A.”Tradita” e bindën përfundimisht diasporën e Anës së Malit, se këta vallëtarë e solist, meritojnë përkrahjen e pa reserve nga të gjithë, duke filluar nga pushteti vendor i Ulqinit, subjektet politike shqiptare, Institucioneve kulturore, biznesmenëve dhe gjithë anamalsëve, si në vendlindje dhe jashte saj.
Lajmi I publikuar ditët e fundit, mu në prag të fillimvitit 2015, se në Anë të Malit u inicua themelimi edhe I një shoqërie tjetër, madje edhe me emer ANA E MALIT, neve si shoqatë dhe të gjithe diasporën shqiptare, na ka befasuar. Nisur nga përvoja e hidhur me krijimin e subjekteve politike shqiptare të cilat përcanë rëndë, si popullin e Anës Malit ashtu edhe shqiptarët në MZ, jemi të bindur se krijimi i shoqërive të tjera, do të thellojë edhe më shumë ndasitë, frymën e përçamjes ,tashti jo vetëm në jetën politike por edhe në atë kulturore e folklorike.
Nisur nga ky fakt, Shoqata atdhetare Ana eMalit në N.Y, e cila me qëndrimin dhe pikëpamjet e veta, angazhohet për unifikim e koordinim të politikës shqiptare në MZ, pra duke qenë gjithmonë kundër përçarjes dhe krijimiit të subjekteve të reja politike , që ndikojnë në përçamjen edhe të votuesve shqiptar në Malin e Zi, duke e dëmtuar seriozisht çëeshtjen e statusit të shqiptarëve në këtë shtet, nuk ka se si, të mbështesë krijimin e një Shoqate të re artistike në Anë të Malit. Jemi thellësisht të bindur që kjo shkon vetëm në favor të atyre që tradicionalisht nuk e duan këtë trevë, që e kanë dëmtuar e shkatërruar pa ndërprerë, që na kanë mohuar e nëpërkëmbur kombtarisht, ekonomikisht e fizikisht, duke na detyruar madje , të braktisim edhe vatrat tona e vendin tone e të jemi larg vendlindjes , ketu ku jemi sot.
Prandaj, apelojmë te të gjithë ju bashkëvendas, vëllezër e motra, te I gjithë spektri politik, intelektual e krijues, njerëz të kulturës e të artit, dashamir e vullnetmirë të ruajtjes e shpalosjes së vlerave e tradites së kësaj treve , që të mos bieni pre e ndasive e përcarjeve të mëtejshme por, të angazhoheni edhe më fuqishëm për bashkim, në mënyrë që sa më dinjësisht të promovojmë e të përcojmë vlerat tona , si në kulturë ,art ,folklor e traditë.
Për këtë, ftojmë të gjithë ata të cilët kanë aftësi, dëshirë e vullnet për të ruajtur, kultivuar e promovuar traditën e kësaj treve , që të japin kontributin e vet pranë Sh.A.”Tradita” ,në të cilën, jemi të bindur, ka vend për të gjithë. Vetëm kështu “Tradita” do të ngritet, do të rritet e do të na përfaqësojë të gjithëve, popullin e asaj treve dhe ne si diasporë e Anës Malit në Sh.B.A.
Prandaj ,me këtë rast , shprehim edhe një here qëndrimin tonë të palëkundur se, jemi kundër formimit të shoqërive të reja kulturore- artistike në këtë trevë dhe përkrahjes materiale të funksionimit të tyre, por, në përputhje me parimet tona atdhetare e kombëtare do të përkrahim dhe do të vazhdojmë bashkëpunimin me Sh.A. të vetme të krijuar pas njëzet e sa viteve boshllëku kulturor artistik, “ Tradita”, brenda të cilës besojmë se ka vend për të gjithë dhe e cila kemi bindjen se po e përfaqëson dhe do ta përfaqësoj kulturën e Anës së Malit në mënyrën më dinjitoze, ashtu si na takon dhe si e meritojmë.
Shoqata Shqiptaro Amerikane “Ana e Malit” NY Janar 15, 2015
