Konsullata e Përgjithshme e Republikës së Kosovës në New York, shpërndau mjete mësimore për Shkollën Shqipe në Bronx
BRONX NY : Konsullata e Përgjithshme e Republikës së Kosovës në New York, po zhvillon aktivitete të shumta me komunitetin shqiptarë në SHBA. Diplomatët kosovar, po marrin pjesë në të gjitha aktivitetet të organizuara nga diaspora shqiptare në SHBA, përfshirë, edhe ato që u mbajtën vitin e kaluar me rastin e shënimit të 28 Nëntorit, Ditës së Pavarësisë së Shqipërisë, dhe Pavarësisë së Kosovës.
Në takimin e fundit- Konsulli Fatmir Zajmi u takua me Drejtorin e Shkollës Shqipe në Bronx, zotin Mustafa Qosja ku me këtë rast ka pasur edhe një bised të gjerë lidhur me inkurajimin dhe mbështetjen e shkollave shqip me mësim plotësues në gjithë komunitetin shqiptarë.
Diplomati i shtetit të Kosovës, Zajmi dhe drejtori i kësaj shkolle, z. Mustaf Qosja, folën edhe për rëndësinë e shkollës shqipe për fëmijët shqiptarë kudo që janë, në SHBA, “duke porositur që nuk ka mënyrë më efikase për ruajtjen e identitetit kombëtar sesa dërgimi i fëmijëve në mësimin plotësues të gjuhës shqipe, përmes të cilit kanë mundësi të njihen me gjuhën dhe kulturën tonë,” thanë ata.
Shkolla Shqipe në Bronx, megjithse ka pasur disa raste që është hapur dhe mbyllyr, por ajo ka një treditë mbasi është një ndër të parat shkolla në New York, e cila, daton 30 vjet më parë, duke u dhënë të gjithë fëmijëve shqiptar në komunitet mësim plotësues shqip.
Mirëpo, duke qenë se në Bronx, ekziston ende një shkollë e tillë, dy bashkëfolësit, thanë se duhet inkurajuar të gjithë komunitetin shqiptarë në këtë qytet, që Shkolla Shqipe në Bronx, duke pasur edhe mbështetjen e plotë të Konsullatës së Përgjithshme e Republikës së Kosovës, në New York, të mbushet përplotë më fëmijë shqiptar, që duan të mësojnë gjuhën Shqipe me mesim plotësues.
Me këtë rast në vazhdën e aktiviteteve të Konsullatës së Përgjithshme të Kosovës në Nju Jork, Konsulli Fatmir Zajmi i dorëzoi z Mustaf Qosja, Drejtorit të Shkollës Shqipe në Bronx, nji sasi tekstesh mesimore për nevojat e shkollës në këtë qark të Nju Jorkut. Konsullata e Përgjithshme e Kosovës që nga themeilimi i sajë në vitin 2010 ka furnizuar me mjete mësimore dhe përkrahe shkollen shqipe në treshteshin Nju Jork – Nju Xhjersi – Konektikat , e aty ku kane lejuar mundesitë objektive edhe ne shtetet tjera të SHBA, ku jeton komuniteti shqiptarë.
Konsullata e Përgjithshme , me anë të Konsullit Fatmir Zajmi koordinator me diasporën shqiptare në SHBA, thotë se ajo ka luajt rol aktiv në themelimin e shkollës shqipe në Bronx, derisa ka inicuar edhe themelimin e Bordit të Shkollave Shqipe në treshtetëshin NJ-NJ-KNT.
Gjithashtu, thuhet se gjatë kësaj periudhe në bashkëpunim me Ministrinë e Diasporës së Republikës së Kosovës dhe në koordinim me shkollat shqipe të cilat veprojnë në rajon ka distribuar një numër të konsiderueshëm tekstesh mësimore për nevojat e e tyre mesimore.
Në vazhdën e këtyre aktiviteteve Konsullata e Përgjithshme planifikon që gjate ditëve të ardhshme të shpërndaj mjete të tjera mësimore edhe për shkollat shqipe në Queens, Nju Xhjersi si dhe për shkollat tjera shqipe të cilat veprojnë në SHBA./B.Sina/
