Sektori i biznesit në Ulqin i gatshëm që të mbështesë Koncertin e Vitit të RI
Kryetari i Komunës së Ulqinit Fatmir Gjeka dhe Z. Zana Sarvan kanë mbajtur edhe një takim me përfaqësuesit e biznesit lidhur me organizimin e Koncertit të madh festiv të Vitit të Ri, që do të mbahet në Ranë më 31 Dhjetor dhe do të fillojë në ora 18.
Komuna e Ulqinit dhe Organizata turistike janë bartësit kryesor të këtij aktiviteti, por përvoja ka dëshmuar që në raste të tilla nuk mungon dhe përkrahja e përfaqësuesve të biznesit, njofton kabineti i kryetari të komunës së Ulqinit.
Kryetari Gjeka theksoi se jemi të vetëdijshëm për situatën e veshtirë ekonomike, por nuk kemi dashur që të bëjmë përjashtim nga qytetet e tjerë të Malit të Zi.
Sigurisht që Komuna dhe Organizata turistike si gjithnjë do të mbajnë barrën më të rëndë, por kërkojmë edhe mbështetjen tuaj.
Ishte konstatim i përgjithshëm që aktiviteti është mirë që zhvillohet dhe se biznesi do të mbështesë brenda mundësive atë.
Ditë më parë Kryetari Gjeka , zhvilloi një takim edhe me pronarët e restoranteve dhe kafiterive në Ranë , të cilët po ashtu u shprehën të gatshëm për të mbështetur Koncertin e madh festiv.
Ndërkohë Organizata turistike e Ulqinit ka filluar marketingun e programit festiv në disa qendra të rëndësishme nga ku dhe vijnë mysafiret më se shumti në Ulqin. Duke i uruar festat e fundvitit Organizata turistike i ben ftesë atyre, qe te vizitojnë Ulqinin. Sipas parashikimeve gjate diteve të festave pritet nje numër i shtuar i mysafireve .
