Regjistrimi në vitin e parë të shkollave të mesme fillon sot dhe do të zgjasë deri më 19 qershor. Ministria e arsimit në muajin prill ka shpallur konkursin për regjistrimin e 8 mijë e 480 nxënësve në klasën e parë të shkollës së mesme për vitin shkollor 2015/2016. Në komunën e Ulqinit nxënësit kanë mundësi të zgjedhin shumë drejtime të ndryshme në shkollen e mesme ”Vëllazërim Bashkim” por edhe në gjimnazin privat ”Drita”
Kandidatët për regjistrim në klasën e parë të shkollës së mesme duhet të kenë fletëparaqitje në konkurs dhe dëftesat origjinale të tri viteve të fundit të shkollës fillore.
Rang lista e kandidatëve do të publikohet në tabelën e shpalljeve të shkollës, më së voni deri më 22 qershor të vitit 2015, është kumtuar nga ministria.
