Në përputhje me marrëveshjen e re të koalicionit të partive në pushtet, pas daljes së Forcës nga koalicioni qeverisës, javës së kaluar filloi ndryshimi i stafit udhëheqës në organet e vetëqeverisjes lokale dhe disa ndërmarrjeve publike. Me marrëveshje midis partive në pushtet ndahen funksionet që më parë i përkisnin Forcës.
Kështu, siç meson e përditshmja DAN, DPS mori pozicionin e drejtorit në ndërmarrjen Ujësjellës dhe Kanalizimi kurse UDSH do të marrë pozicionin e ndihmësit të drejtorit. UDSH poashtu do të marrë edhe pozitën e sekretarit të sekretariatit për aktivitete komunale dhe sekretarit të kuvendit komunal, transmeton Ulqini Online.
Partisë Demokratike do të marrë një pozitë udhëheqëse në Agjencinë e Zhvillimit dhe RTV Ulqini. Social Demokratët tani mbulojnë pozicionet e Drejtorit të Përgjithshëm të Komunës dhe Sekretarit të Sekretariatit për Urbanizëm. Partisë Boshnjake iu dhanë pozitat e Auditorit të Përgjithshëm dhe Ndihmës Menaxherit të Përgjithshëm.
