Beqir SINA, New York
Temperatura, më e ulët sot në mëngjes, shënoi rekord në qytetin e Nju Jorkut,1 degree – minus 17 gradë celcius.
NEW YORK CITY : Rekord i të ftohtit në pjesën e bregdetit verilindor në Shtetet e Bashkuara të Amerikës. Një i ftohtë, ky, që meteorologët amerikan, thonë se ka ndodhur vetëm 65 vjet më parë( në mëngjesin, më 20 shkurt 1950), kur temperatura në qytetin e Nju Jorkut, atëhere ra në 7 degree, çka do të thotë simbas matjes europiane të temperaturës minus 15 gradë celcius.
Mirëpo, simbas parashikuesve të motit, thuhet se sot( e premte) dhe nesër (e shtunë) temperatura pritet të jetë edhe më ftohtë se kaq. Temperatura, më e ulët sot në mëngjes, shënoi rekord në qytetin e Nju Jorkut,1 degree – minus 17 gradë celcius.
Shtypi njujorkez, njofton se qindra konsumatorët, në disa lagje qendrore të qytetit të Nju Jorkut, janë pa energji elektrike, qysh sot të premten në mëngjes, si rezultat nga temperaturat shumë të ftohta, të cilat simbas tyre, deri tani kan thyer rekordin- Nga akulli janë këputur kabllot, sipas kompanisë së shpërndarjes së energjisë elektrike në disa lagje në qytet, tha një zëdhëns i kompanisë Con Edison.
Kjo kompani njofton se ka ndërprerje të energjisë elektrike, e cila është raportuar, prej konsumatorve rreth orës 7:00 mëngjesit dhe po prek rreth 650 konsumatorë në zonën e qendrës së qytetit, duke filluar nga 30 Street dhe banesave dhe bisneseve midis rrugve 8 Avenue dhe 9 Avenue, pranë stacionit të trenave Penn Station, tha zëdhënësi kompanisë Con Edison
Ai shtoi se fatmirësisht, rrjeti i shërbimeve në stacionin e trenave Pen Station, ku është edh ngarkesa më e mëdhe e levizjes së udhëtarvë në vend – nuk është prekur deri tani nga ndërprerjet e energjisë elektrike,.
Ekipet e emergjencës, janë në vendin e ngjarjes, që të përcaktojn dëmet dhe të rivendosin sa më shpejt rrymën, edhe për këto lagje, ku ndodhen qindra bizense të rëndësishme të qytetit, tha zëdhënësi.
Parashikuesit e motit thonë se në qytetin e Nju Jorkut,: natën e premte(sot) do të ketë lëvizje të shpeshta nga retë e bardha të ftohtit, ku temperatura më e lartë do të jetë 10 degree – minus 12 gradë celcius në qytet, dhe 0 deri 8 degree në periferi.
Kurse, nesër, e shtunë do të jetë me re dhe me pak borë gjatë pasdites. Bora do të jetë e lehtë nga rënjet që variojnë nga 1 deri 3 inç në zonën Tri-Shteteve. Temperatura më e lartë, do të jetë 28 degree në qytet, dhe 20 degree në periferi
Simbas tyre e diela do të jetë me re dhe më shi të butë si një përzierje dimëror i reshjeve – që do të ndryshojë edhe temperaturat pas shiut në pasdite. Temperatura më e lartë do të rritet në 41 degree në qytet, dhe 40 degree në periferi.
Të hënën do të rikthehet pjesërisht i ftohti në këtë zonë, ku temperatura më e ultë do të jetë 20 degree për pjesën më të madhe të zonës.
Parashikuesit, në parshikimin pesëditorë, thonë se e marta do të jetë pjesërisht me re dhe të ftohtë temperatura më e lartë do të jetë 23 degree në qytet, dhe më e ulët 20- degree në periferi.
