LISTA SERBE FITON MË SË SHUMTI KOMUNA NË KOSOVË – KUSH DO T’I QEVERISË 38 KOMUNAT
Një garë jashtëzakonisht e ngushtë ka shkuar në zgjedhjet e balotazhit është zhvilluar mes kandidatit të Listës Serbe dhe atij të Iniciativës Qytetare në Kllokot, por në fund ka fituar për 10 vota, kandidati i Listës Serbe.
Lista Serbe fitoi edhe në rivotimin për kryetar komune në Partesh, dhe kësisoj ka arritur që të mbajë pushtetin në të 10 komuna serbe.
Në rundin e parë ajo fitoi 8 komuna, përfshirë dhe dy komuna të tjera në raundin e dytë të zgjedhjeve, Parteshin dhe Kllokotin.
Pas Listës serbe radhitet LDK-ja me gjithsej 8 komuna, pastaj partia AAK-ja udhëheq me 7 komuna, derisa PDK-ja ka pushtetin vetëm në 5 komuna të vogla, ndërsa Nisma dhe AKR-ja udhëheqin vetëm me nga një komunë.
Lista serbe, në raundin e parë ka fituar pa balotazh Leposaviqin, Novobërdën, Shtërpcën, Zubin Potokun, Zveçanin, Graçanicën, Ranillugun, Mitrovicen e Veriut, ndërkohë që në Kllokot dhe Partesh ka fituar në balotazh.
Ndërkohë, LDK-ja ka fituar në tetë komuna. Në raundin e dytë ka fituar në Gjilan, Podujevë, Vushtrri e Istog. Në raundin e parë, LDK-ja kishte fituar në Lipjan, Fushë Kosovë, Viti e Pejë.
PDK-ja, ndërkaq, ka fituar pesë komuna. Në raundin e parë, Partia e Kadri Veselit kishte fituar vetëm një komunë, Drenasin. Kurse, në raundin e dytë, ka fituar në Dragash, Ferizaj, Kaçanik e Shtime.
Levizja Vetëvendosje nuk kishte fituar asnjë komunë në raundin e parë derisa tash ka tri komuna. Udhëheq Kamenicën, Prizrenin dhe ka gjasa ta marrë edhe Prishtinën.
Partia fituese e zgjedhjeve është AAK-ja, e cila aktualisht udhëheq në shtatë komuna. Pa balotazh pati fituar në Deçan e Junik derisa në raundin e dytë ka fituar në Obiliq, Suharekë, Klinë, Gjakovë e Rahovec.
Partia e Fatmir Limajt e ka mbajtur Malishevën. Në raundin e dytë kishte shkuar me PDK-në derisa sot u rikonfirmua Ragip Begaj kryetar edhe për një mandat.
Sidoqoftë, AKR-ja e Behgjet Pacollit arriti të mbajë një komunën nën pushtetin e saj. Edhe katër vitet e ardhshme do të jetë Agim Bahtiri, i cili fitoi përballë Valdete Idrizit të PDK-së. /Periskopi/
