Komuna e Ulqinit e gatshme të përkrahë kërkesat e organizatave sindikale në zgjidhjen e problemeve banesore për anëtarët e tyre
Kryetari i komunës Nazif Cungu priti në një takim përfaqsuesit e kooperativës banesore të punëtorëve të arsimit të Malit të Zi “Solidarno” mr. Zoran Stanishiq dhe pof. Dr. Goran Radoviq. Në takim u fol për mundësinë e ndërtimit të një objekti për punëtorët e arsimit të komunës së Ulqinit, mesohet nga Komuna e Ulqinit.
Kryetari Cungu i njoftoi të pranishmit me aktivitete që ka ndërmarë komuna në zgjidhjen e cështjeve të strehimit për të gjitha organizatat sindikale, ku përfshihet dhe kooperativa banesore e punëtorëve të arsimit. Në takim u ra dakort që pas hartimit të Planit Detal Urbanistik për atë lokalitet të organizohet takim me përfaqësuesit e të gjitha organizatave sindikale, me qëllim te gjetjes së gjuhës së përbashkët për realizimin e këtij projekti.
Në takim u tha që komuna synon që të hartojë plane që do ti mundësojnë sejcilës organizate sindikale që të ndërtojnë objekte per të gjithë anëtarët e tyre. Këto dokumenta që parashohin ndërtimin e këtyre objekteve do të jenë në diskutim publik deri në fund të këtij viti.
