Isa Boletini lindi në kullën e Boletinëve, afër Mitrovicës, më 15 janar 1864.
“Baca Isë” është bërë i njohur edhe për ndodhinë që i ngjau në Londër. Teksa delegacioni shqiptar shkonte të takonte Eduard Grejin, ministër i Jashtëm asokohe i Mbretërisë, roja i kërkoi Isait me xhentilesë që të dorëzonte revolverin. Isai u bind pa fjalë. Pas bisedimeve Grej, si një anglez i vërtetë bëri shaka: Nesër gazetat do të shkruajnë se atë që nuk e bëri dot ushtria e pamat osmane, e bëra unë. Isa Boletini u çarmatos vetëm në Londër! Thonë se Isai është përgjigjur: Jo besa, as në Londër! Dhe ka nxjerrë një tjetër revolver që e mbante diku fshehur.
Isa Boletini u vra bashkë me shtatë nga njerëzit e tij në Podgoricë, mbi Urën e Moraçës, më 23 janar 1916.
Radio Televizioni i Kosovës para disa ditës në kuadër të emisionit ARKIVI realizoi një vizitë edhe në Podgoricë pikërisht në vendin ku dhe është vrarë Isa. Për këtë emision ka folur edhe historiani nga Ulqini Basri Lika duke folur edhe për detajet rreth vrasjes së Isa Boletinit.
Emisionin mund ta shikoni në tërësi më poshtë.
