Punimet në ndërtimin e rrugës Deçan – Plavë po vazhdojnë ende. Kjo rrugë është vlerësuar tepër e rëndësishme për të dyja qytetet, pasi që do shkurtojë dukshëm edhe rrugën për në Ulqin.
Për të parë punimet në këtë segment rrugor, sot në Deçan ka qëndruar edhe kryetari i Ulqinit, Fatmir Gjeka.
Ai është takuar me kryetarin e Deçanit, Rasim Selmanaj dhe deputetin e AAK-së, Daut Haradinaj.
“Sot në Deçan me Kryetarin e Ulqinit Fatmir Gjeka dhe kryetarin Deçanit duke shikuar punimet e rrugës Deçan Plavë”, ka shkruar Haradinaj në Facebook.
