Lajm i trishtë, ndërroi jetë poeti Ibrahim Berjashi, kështu shkruan poeti Hajredin Kovaçi për vdekjen gazetarit dhe shkrimtarit të njohur. Lajmin për vdekjen e Berjashit ja bashkangjet edhe një poezi të të ndjerit.
Ibrahim Berjashi
M’ka marrë malli me shku n’Shkodër!
Zemra gati po m` del përjashta,
Mall po m` vjen ka` Shtegvasha,
Pak ka` Buna, liqeni e Sukubina.
Virus corona m`kërcënohet:te karantina!
M `ka marrë malli me shku` n` Shkodër,
Për nji pilaf mëngjesi alla shkodrançe,
Kafe te Tullat e kuqe-taman kranjançe!
– E kuptove ti o, mori motër?
M` ka marrë malli me shku` n` Shkodër!
Me dal kreshnikçe deri n` Shirokë,
Ta marrsha – vdes për nji peshk n’ tjegull,
Por, me k`to maska zhyten n` merzi e mjegull.
-Rri n`shpi e shpëto jetën,aty n` votër!
A merr vesht, un` due t` shkoj n` Shkodër?!
Un` k`shtu e kam vendos,
Edhe deti u baftë hirrë e kos!
Ibrahim Berjashi Lindi në vitin 1948 në Ostros të Krajës, Komuna e Tivarit. Ka kryer Normalen në Ferizaj, Shkollën e Lartë Pedagogjike në Gjakovë, kurse Gjuhën e Letërsinë Shqipe e ka studiuar në Fakultetin Filozofik të Prishtinës.
Ishte themelues dhe kryetar i parë i Shoqatës së Artistëve dhe Intelektualëve “Art Club” në Ulqin dhe një ndër organizatorët e manifestimit “Kalimera poetike”.
Për një kohët të gjatë ka qenë korespondent edhe i gazetës Rilindja.
Lajmin për vdekjen e Berjashit e ka shpërndarë në rrjetin social edhe djali i tij Arbeni.
”Nuk kam fjalë të mjaftueshme për të shprehur dhimbjen dhe humbjen kaq të madhe që kam sot. Kujtimet dhe dashuria e jote do të jetojnë gjithmonë në zemrën tonë.
Pritja bëhet deri në ora 3 te shtëpia ne Gjerana, varrimi ne orën 4h”.
