Kryetari i Kuvendit të Kosovës, Kadri Veseli, pas mbledhjes së Kryesisë së Kuvendit, ka bërë të ditur se të enjten para dite, do të zhvillohet një seancë e Kuvendit në të cilën do të diskutohet rreth demarkacionit të kufirit me Malin e Zi, njoftojnë mediat elektronike kosovare.
Sipas Veselit, në këtë seancë, për interpelancë do të jetë ministri i Jashtëm i Kosovës, Hashim Thaçi, i cili do të flasë rreth procesit të demarkacionit të kufirit ndërmjet Republikës së Kosovës dhe Malit të Zi.
