Me rastin e Ditës së shenjtë të Krishtlindjes qytetarë të shumtë urojnë njërin tjetrin duke bërë që atmosfera të jetë sa më e mirë në këto kohëra me probleme të shumta, sidomos shëndetsore dhe ekonomike.
Edhe web faqja Ulqini Online uron me gjithë zemër qytetarët e besimit katolik për këtë festë të madhe.
Më poshtë keni edhe urimet e e mbërritura në adresën e Ulqini Online, urimin e Forcës së Re Demokratike dhe Këshillit kombëtar të shqiptarëve në Mal të Zi.
Urimi i Forcës së Re Demokratike
Të dashur motra dhe vëllezër,
Të nderuar bashkëkombas shqiptarë kudo ndodheni!
Kam kënaqësinë e veçantë të shpreh urimet e mia më të përzemërta për festën e Krishtlindjes të gjithë besimatarëve të krishterë shqiptarë kudo që jetojnë dhe veprojnë.
Siç kemi bërë prej shekujsh dhe e kemi trashëguar brez pas brezi si shqiptarë duke kremtuar të gjithë së bashku festat e njëri-tjetrit, në emër të Forcës së Re Demokratike dhe në emrin tim personal, Ju uroj festën e Krishtlindjes ta kremtoni me shëndet e paqe, dashuri e gëzim me njëri-tjetrin!
Le të kujdesemi më tepër për njëri-tjetrin dhe le të punojmë së bashku për të zhvilluar komunitetin tonë, veçanërisht për fëmijët dhe të rinjtë tanë.
Për shumë mot Krishtlindjet, qofshin sa më të paqta e të mbara për Ju dhe familjet e Juaja!
Gëzuar!
Kryetar
Genci Nimanbegu
Urimi i Këshillit Kombëtar të Shqiptarëve
URIME KRISHTLINDJET!
Këshilli Kombëtar i Shqiptarëve në Malin e Zi, të gjithë besimtarëve të krishterë, në veçanti atyre shqiptarë, ju uron gëzuar Krishtlindjet, duke ju dëshiruar shëndet, begati, zhvillim e prosperitet në familje e shoqëri.
Festat fetare për ne si shqiptarë janë të veçanta, sepse pëveç besimit, krijojnë harmoni e unitet kombëtar, për çka duhet të ndihemi krenar përpara gjithë botës.
Gëzuar e për shumë mot!
Kryetari,
