Klubi i këshilltarëve të Forcës së re demokratike i ka propozur Kuvendit të Komunës së Ulqinit, përkatësisht kryetari Haxhi Sulejmani që në mbledhjen e dytë të Seancës së Parë të Rregullt të shqyrtohet dhe diskutohet rreth çeshtjes sëe hulumtimit të naftës në afërsi të Ulqinit dhe të sjellim përfundimet në lidhje më hapat konkrete që duhet të ndërmarrim në mënyrë institucionale nëpërmjet Komunës së Ulqinit, mësohet nga ky subject politik, transmeton Ulqini Online.
Në arsyetimin e kësaj kërkese, nga ky subjekt politik përmendin shumë arsye.
Në vazhdën e një sërë planesh për investime të nisura nga pushteti qendror në qytetin e Ulqinit, bëhet e qartë që, përveç centralizimit të pushtetit në të gjitha fushat, bien në kundërshtim më të gjitha ligjet vendore dhe ndërkombëtare, dhe jo vetëm kaq por si popull pakicë autokton në qytetin e Ulqinit nuk kemi të drejtë për të marrë vendime për të ardhmen e qytetit dhe qytetarëve.
Forca e Re Demokratike e përfaqësuar në pushtetin qendror nëpërmjet deputetit të vet dhe në Kuvendin e Ulqinit me këshilltarët e saj, nuk zbrapset nga mbrojtja e kauzave tona që janë postulate për popullin tonë autokton, në mbrojtjen e potencialeve tona natyrore, ekonomike, kulturore dhe kombëtare që duhet, para së gjithëve, të jenë në shërbim të zhvillimit dhe mirëqenies së banorëve të Ulqinit, vazhdon arsyetimi nga ky subjekt politik..
Mjafton të përmendim Valdanosin, Kriporen, marrjen e kompetencave të planifikimit hapësinor, kufiri i të mirave detare, sulmet e vazhdueshme në trashëgiminë kulturore, historike e kombëtare si dhe privatizimet plaçkitëse të ekonomisë sonë që është ndërtuar me kontributet tona. Së fundmi, kësaj liste i bashkëngjitet investimet në hotele , centralet më erë, elektrana solare në Mal të Brisë dhe hulumtimet për naftë janë bërë dhe bëhen kundër popullit të Ulqinit, qytetit të Ulqinit dhe Komunës së Ulqinit dhe ne si Force e re demokratike vetëm na bën edhe më të fortë në mbrojtje të qytetit dhe qytetarëve të Ulqinit.
Neglizhimi i institucioneve të Ulqinit dhe të zgjedhurve të popullit është bërë pjesë normale. Aq normale saqë në emisionin Reflektor të 23 marsit në TV Vijesti, për çështjen e hulumtimeve të naftës në fund detin e Ulqinit marrin pjesë kushdo, bile profesorë të gjuhës serbe nga Budva, ama askush nga Ulqini.
Për këtë arsye, Komuna e Ulqinit ka për obligim që këshilltarëve të ju sjell të gjithë dokumentacionin në lidhje më hulumtimet e naftës në afërsi të Ulqinit , më qëllim që të zbardhen vendimet e qeverive të Malit të Zi lidhur me këtë, e për të cilat ne si parti kemi qenë kundër edhe në Parlamentin e Malit të Zi .
Kuvendi duhet të diskutojë dhe të sjell përfundime : për impaktin në mjedis dhe ekonomi, për shkatërrimin e bregdetit dhe ndërrimin e destinacionit nga një qytet turistik në qytet industrial , për shkeljen e konventës për vetëqeverisje lokale , nënshkruese e të cilës është edhe Mali i Zi, shkeljet e të drejtës së popujve autokton siç janë shqiptarët në Mal të Zi, referendum lokal e deri në protesta.
Përfundimet që do të merren në Kuvend duhet t’i dërgohen Qeverisë por edhe Komunave bregdetare në Mal të Zi si dhe institucioneve ndërkombëtare që veprojnë në Mal të Zi, përfundon arsyetimi i Klubi të këshilltarëve të Forcës së re demokratike të nënshkruar nga z. Ilir Çapuni.
