Bashkëpunim në fondet përtejkufitare IPA – Mali i Zi – Kosovë – Vazhdojnë takimet
Kosovë, Prishtinë, 20 shkurt, 2015
Me qëllim të përgatitjes të projekteve për fondet IPA, si dhe bashkëpunim të mirëfilltë në fushën e projekteve si dhe hartimin e projekteve për fondet IPA përtejkufitare Mali i Zi – Kosovë (IPA Cross Border), sot, në qytetin e Prishtinës, zyrtarët e Komunës së Ulqinit në krye me Nënkryetar Ardijan Mavriq, Sekretarin për Ekonomi Milazim Mustafa të shoqëruar me përfaqësues të Zyrës për Bashkëpunim Ndërkomëtar dhe Priojekte Arsllan Hajdinaga dhe Arben Xhurrata, zhvilluan një sërë takimesh konstruktive.
Zyrtarët e lartëpërmendur u takuan me Zëvëndës Ministrin e Administrimit të Pushtetit Lokal Bajram Gecaj, asistentin e tij Besim Kamberaj, si dhe me udhëheqës të Departamentit për Bashkëpunim dhe Zhvillim Rajonal, si dhe Drejtorin e drejtorisë për Ekonomi dhe Zhvillim të Komunës së Prishtinës Genc Bashota.
Gjithashtu u zhvilluan takime me Kryetarin e Komunës së Prishtinës Shpend Ahmet, si dhe shefen e Kabinetit Fitore Pacolli, njofton Zyra për Bashkëpunim Ndërkombëtar dhe Projekte e komunës së Ulqinit.
Me të gjitha palët u dakorduan për bashkëpunim të mirëfilltë në projektet IPA, ku në shënjestër do kenë zhvillimin e qendrueshëm, promovim të turizmit, promovim të trashëgimisë kulturore si dhe çështjet sociale, ku pritet që fondet të hapen në fund të këtij viti.
