Shpend Ahmeti dhe Mytaher Haskuka fitojnë në Prishtinë respektivisht në Prizren
Prishtinën e fiton Ahmeti edhe pas numërimit të votave me kusht
Në QNR ka përfunduar procesi i numërimit të votave me kusht, me postë dhe të personave me nevoja të veçanta për Komunën e Prishtinës.
Kandidati i LVV-së, Shpend Ahmeti, njëherësh kryetar aktual i komunës, ka dalë fitues edhe pas numërimit të këtyre votave ndaj kandidatit të LDK-së, Arban Abrashi.
Ahmeti mori 861 prej votave me kusht, me postë dhe të personave me nevoja të veçanta, ndërsa Abrashi 733.
Haskuka, kryetar i ri i Prizrenit edhe pas votave me kusht
Kandidati i Vetëvendosjes për kryetar të Komunës së Prizrenit, Mytaher Haskuka, është kryetar i ri i Komunës së Prizrenit, në bazë të rezultateve preliminare të KQZ-së.
Ky konfirmim erdhi pas numërimit të votave me kusht, të atyre me postë dhe të personave me nevoja të veçanta, raporton Koha.net.
Kandidati i PDK-së, Shaqir Totaj, ndonëse pati më shumë vota në procesin e numërimit të votave me kusht, nuk ia doli të rrëzonte rezultatin e parë preliminar të KQZ-së për votat e rregullta.
Haskuka ka siguruar 329 vota në procesin e fundit të numërimit, ndërsa Totaj 368.
/Koha Net/
